Расман: "Нефтчи"дан бомба трансфер!
08 янв 15:29
Новости

Расман: "Нефтчи"дан бомба трансфер!

"Нефтчи" янги мавсум учун таркибни кучайтириш ишларини давом эттирмоқда.

Бироз аввал фарғоналиклар сафига Жамшид Болтабоев келиб қўшилгани хабар қилинган эди.

Бугун "Нефтчи" ПФК раҳбарияти миллий терма жамоамиз аъзоси, тажрибали ва моҳир ярим ҳимоячи Жамшид Искандеров билан шартнома имзолади.

Маълумот ўрнида, 1993 йил 16 октябрь санасида Урганч шаҳрида таваллуд топган Жамшид Искандеров профессионал футболдаги фаолиятини Самарқанднинг "Динамо" клубида бошлаган. Кейинчалик пойтахтимизнинг “Пахтакор" ва "Локомотив", Жанубий Кореянинг "Сеонгнам" жамоаларида тўп тепди. Ўтган 2024 йил футбол мавсумини футболчи "Навбаҳор" сафида ўтказиб, Суперлиганинг бронза медалини қўлга киритди.

Эслатиб ўтамиз, "Championat.asia" сайтимизда 2024 йилнинг 28 ноябрь санасида бу трансфер ҳақида хабар чоп этилган эди >>>>> Эшитдик-да! Ўзбекистон миллий терма жамоаси аъзоси "Нефтчи"га ўтади