Расман: Жавоҳир Сидиқов фаолиятини "Насаф" жамоасида давом эттиради
04 янв 2023 19:32
Новости

Расман: Жавоҳир Сидиқов фаолиятини "Насаф" жамоасида давом эттиради

"Қўқон-1912" клуби ярим ҳимоячиси Жавоҳир Сидиқов навбатдаги мавсумни Қаршининг “Насаф” жамоасида ўтказадиган бўлди. Бу ҳақда Қўқон жамоаси матбуот хизмати хабар берди.

Трансфер борасида ҳар икки клуб раҳбарлари ўзаро келишувга эришди. Қайд этилишича, Жавоҳирга Суперлиганинг кўплаб жамоаларидан таклифлар бўлган, бироқ футболчи ўз даражасини ушлаб туриш ҳамда ОЧЛ мусобақасида иштирок этиш мақсадида қаршиликлар вариантини танлаган.

Шунингдек, Жавоҳир Сидиқовнинг трансфери бўйича барча ҳуқуқлар “Қўқон-1912” жамоасида сақланиб қолиши таъкидланган.

Эслатиб ўтамиз, аввалроқ сайтимиз орқали Сиддиқовнинг "Насаф"га ўтиши ҳақида хабар бергандик.

Ссылка :

Источник : "Қўқон-1912" ФК матбуот хизмати

Получайте новости прямо в Telegram!

Рейтинг: +33