Расман: “Бухоро” Саламат Қутибоевни ҳам жамоага қайтарди

Аниқроғи, ўтган мавсум “Бухоро” шарафини муносиб ҳимоя қилиб, маҳаллий ишқибозларнинг ёқимтойига айланиб улгурган Саламат Қутибоев ярим йилдан сўнг яна жамоага қайтди.
Қорақалпоғистонлик футболчи йил бошида Тошкентнинг “Локомотив” жамоасидан тушган таклифни қабул қилганди. Боиси Саламат нуфузи жиҳатидан Осиёда биринчи ўринда бўлган чемпионлар лигаси мусобақасида иштирок этишни истади. ОЧЛда дебют қилган Қутибоев куни-кеча яна “Бухоро”га қайтишни маъқул топди. Умид қиламизки, 31 ёшли марказий ярим ҳимоячи иккинчи даврада “Бухоро”нинг юқори ўринларни эгаллашида муносиб ҳиссасини қўша олади.


“Бухоро” матбуот хизмати.