Қозоғистон. 31-тур. Мурзоев гол урди, Бикмаев майдонга қайтди

Ҳамюртларимиз тўп тепаётган "Актобе" клуби бугун "Остона" меҳмони бўлиб мағлуб бўлди - 0:1. Сўнгги тур олдидан "Актобе" 42 очкога эга. "Остона" ҳисобида эса 39 очко бўлди. Кейинги турда "Актобе" чемпион бўлишга жуда яқин турибди. Бугунги баҳсда Темур Кападзе ва Александр Гейнрих тўлиқ ўйнашган бўлса, жароҳатини тузатган Марат Бикмаев захирадан майдонга тушди.

ОСТОНА - АКТОБЕ - 1:0 (1:0)
Гол: Твумаси, 15 (1:0).

"Иртиш" ҳам бугун сафарда мағлуб бўлди. "Ордабаси" "Иртиш"ни 3:1 ҳисобида таслим қилди. Меҳмонлар сафида ягона голни ҳамюртимиз, учрашувни 71-дақиқасига қадар ўйнаган Камолиддин Мурзоев урди. Улуғбек Бақоев эса тўлиқ ўйнади. "Иртиш" бу мағлубиятдан сўнг мусобақа жадвалида 4-ўринга тушиб қолди.

ОРДАБАСИ - ИРТИШ - 3:1 (2:1)
Голлар: Юнузович, 7 (1:0). Белич, 9 (2:0). Камолиддин Мурзоев, 25 (2:1). Юнузович, 89 (3:1).