“Қўқон-1912” кексаларни эъзозлайди

Шу муносабат билан жойларда қарияларни эъзозлаш, уларнинг ҳурматини жойига қўйиш ҳамда уларга нисбатан иззат-икромда бўлиш учун турли тадбирлар ташкил қилинмоқда.

Хусусан кеча олий лиганинг 7-туридан ўрин олган Қўқондаги “Марказий” стадионда кечган “Қўқон-1912” – “Бухоро” (2:1) учрашувидан олдин “Қўқон-1912” футбол клуби Қўқон футболига меҳнати сингган ва жамоа таркибида ёрқин ўйинлари билан мухлислар олқишига сазовар бўлган фахрийларга иззат-икром кўрсатди.

Фахрий Вясчеслав Пишук билан биргаликда ўтган мавсум “Қўқон-1912” сафида ўйнаб, жамоанинг олий лигага қайтишида муносиб ҳисса қўшган собиқ футболчилар – Александр Критинин билан Хуршид Узоқбоев клуб вице-президенти, бош директори Бахтиёр Толипов томонидан қимматбаҳо совғалар тақдирланди. Уларнинг клуб ривожида йўлига қилган мехнатларини жамоамиз ҳеч қачон унутмайди ва доимо қадрлайди. Ушбу кичик тадбирдан сўнг Пишук, Критинин ва Узоқбоев бундай эътибордан хурсанд эканлигини яшириб ўтирмади ва клуб раҳбариятига миннатдорчилик билдирди.