“Қўқон-1912” йиғинида янгилар бор ёхуд Дониёр Усмонов кетди

Футболчилар ҳозирча кунига бир маҳалдан шуғулланмоқда. Жамоа устози Рустам Абдуллаев айни дамда Тошкентда олий лига клубларининг бош мураббийлари иштирокидаги йиғилишда иштирок этмоқда. Шу боис машғулотларни унинг ёрдамчиси Арам Ананян олиб бормоқда.

Таркибдаги ўзгаришлар хусусида тўхталадиган бўлсак, биринчи босқич тайёргарлигида мураббийлар штаби асосан ёшларни синовдан ўтказишни маъқул топган. “Нефтчи”дан Иззат Ғаниев билан бирга Сардор Қулматов эмас балки Сайдулло Раҳматов қўшилганлигини кейинроқ маълум бўлди. Улардан ташқари якунига етган мавсумда Косоннинг “Аланга” жамоаси шарафини ҳимоя қилган дарвозабон Азамат Аҳмедов ва ҳимоячи Сарвар Холмуродов ҳам айни дамда “Қўқон-1912” машғулотларида иштирок этаётганини қайд этиш лозим.

Ҳуқуқий жиҳатдан "Нефтчи"га тегишли бўлган  Абдуллажон Мирзаев айни дамда фарғоналикларнинг ўқув-йиғин машғулотларида иштирок этаётгани тўғрисида маълумотлар бор. Қолаверса Дониёр Усмонов ҳам "Локомотив"га қайтиб кетган.