Қаршида бугун катта футбол байрами (ФОТО)

Рўзиқул Бердиев бошчилигидаги "Насаф" жамоаси Осиё чемпионлар лигаси доирасида Эроннинг "Тракторсози" жамоасига қарши ўйинда майдонга тушади. Қарши шаҳрида ушбу беллашувга бўлган қизиқиш юқори даражада. Учрашувдан икки кун илгари ёғган қалин қор ҳозирда эриб улгурмоқда. Стадион маъмурияти эса кечанинг ўзида майдонни қордан тозалаб, ўйинга шай ҳолатга келтиришга ҳаракат қилишди. Айни пайтда майдоннинг ҳолатини идеал даражада дея олмаймиз. Аммо футбол ўйнаса бўлади. Ўйиндан олдин ташкил этилган матбуот анжуманида ҳам ҳар иккала жамоа бош мураббийлари бугунги баҳсда чиройли футбол кўрсатишга ваъда беришмади. Сабаби эса аниқ. Ноқулай келган об-ҳаво туфайли майдон етарлича зарарланган ва бу нарса футболчиларнинг ҳаракатларига ўз таъсирини кўрсатиши табиий. Бугун эрта тонгда ҳам бир муддат қор ёғиб ўтди ва айни пайтда қор тўхтаган. Лекин ўйин пайтида ҳам қор ёғиши кутилмоқда.

Агарда учрашув давомида қор ёғадиган бўлса, унда жамоалар ўйинни қизил тўпда ўтказишлари мумкин.

Ҳозиргача тахминан 35-40% чипталар сотиб бўлинган.











Нима бўлган тақдирда ҳам бугун "Насаф" жамоасига катта зафарлар ва омад ёр бўлишини тилаб қоламиз! Умид қиламизки, "аждарлар" бугун ватанимиз номини муносиб ҳимоя қилиб, мухлисларга ғалабани тақдим этишади.

Шаҳбоз Беғамов