Пуришкин билан Абдухолиқов “Оқ-Тепа”да
17 мар 2019 18:54
Новости

Пуришкин билан Абдухолиқов “Оқ-Тепа”да

Тошкентнинг “Оқ-Тепа” жамоаси жорий мавсум ПРО-Лигада иштирок этиш илинжида астойдил тайёргарлик кўрмоқда.

Шу боис жамоа таркиби ПРО-Лига тоифасида маҳоратли бўлган футболчилар ҳисобига кучайтириб борилаётганини кўриш мумкин. Сарвар Сафаров, Мурод Тўйчибоев, Алишер Мирзаев шулар жумаласидандир. Ярослав Крушельницкий бош мураббийлигидаги жамоа сафига яқинда яна икки нафар тажрибали ҳужумчи келиб қўшилганини айтиш лозим. Булар - ўтган йили аввалига “Металлург” кейинчалик эса “Динамо” таркибида тўп сурган Павел Пуришкин ва собиқ “Нурафшон” (Тошкент вилояти) жамоасининг тўпурар ҳужумчиси Орифхўжа Абдухолиқовдир. Ҳозирда Тошкент шаҳрида ўтказилаётган ПФЛ Кубогида ушбу футболчилар “Оқ-Тепа” шарафини ҳимоя қилиб бормоқда.

Маълумот учун "Оқ-Тепа" ПФЛ Кубогининг ярим финал йўлланмасини қўлга киритди.