ПСЖ билан учрашувда Роналду яна бир рекордга эришиши мумкин
26 дек 2017 11:45
Новости

ПСЖ билан учрашувда Роналду яна бир рекордга эришиши мумкин

Европа Чемпионлар Лигаси нимчорак финалининг энг кучли жуфтликларидан бири бу шубҳасиз "Реал Мадрид" - ПСЖ.

Гуруҳ босқичида Криштиану Роналду 9 бор рақиб дарвозасини ишғол этди, Лионель Месси эса ўз ҳисобига 3та гол ёздириб қўйди.

Аввалроқ Роналду "Барселона" футболчиси Лео Мессини ортда қолдириб, УЕФА мусобақаларида 100та гол уришга эришган биринчи футболчи бўлди.

Португалиялик Чемпионлар Лигасидаги голлар бўйича ҳамон Мессидан олдинда (114 - 97), шунингдек Криштиану еврокубокларда гол уриш бўйича ҳам Леони ортда қолдирмоқда (117 - 100).

Нимчорак финалда "Реал Мадрид" - ПСЖ ўйини нафақат икки кучли клуб тўқнашуви сифатида тарихда қолиши мумкин, балки айнан шу ўйинда мадридликлар ҳужумчиси Криштиану Роналду яна бир рекорд натижани қайд этиши мумкин.

Гап шундаки, Роналдунинг навбатдаги голи "қаймоқранглилар" таркибида Чемпионлар Лигаси доирасидаги 100 гол бўлади. Бу натижага ҳали ҳеч ким (Лео Месси ҳам) эришмаган.

Эслатиб ўтамиз, Криштиану мадридликлар таркибида Чемпионлар Лигасида 94 ўйинда майдонга тушган ва 26 бор шерикларига голли узатма етказиб беришга ҳам муваффақ бўлган.