Превью. "Шўртан" - "Гулистон"

«ШЎРТАН» - «ГУЛИСТОН»
28 сентябрь. Ғузор. "Ғузор" стадиони. 17:00
Ҳакамлар: Ш.Қосимов, Р.Серазетдинов, А.Усмонов, Н.Мешков.
Назоратчи: С.Эрматов.

Шу йилнинг биринчи даврасида Гулистонда бўлиб ўтган баҳсда бу жамоаларнинг дастлабки тўқнашуви бўлди. Ўша ўйинда майдон эгалари 2:1 ҳисобида зафар қучишганди. Роббим Ҳасанов ва Бобуржон Акбаровнинг голларига меҳмонлар сафида Обид Жўрабоев жавоб қайтарганди.

“Шўртан” бу мавсумда ўз майдонида ўтган 9та ўйинда 2та ғалабага эришган ва 3 марта дуранг ўйнаган. 4 бор мағлубиятга учраган. “Гулистон” эса сафардаги 10та ўйиннинг фақат биттасида ғолиб чиққан ва бир марта дуранг ўйнаган. Қолган 8та баҳсда Ашурматов шогирдлари сафарда мағлуб бўлишган.

Айни пайтда “Гулистон” 19та ўйиндан 17 очко жамғариб мусобақа жадвалининг 12-поғонасида бормоқда. “Шўртан” эса 13 очко билан рақибдан кейинги ўринда бормоқда.