RU

Последние новости

10:07Клублар ўртасидаги ЖЧ. Ким қанча ишлаб олди?  0 09:30Ўтган мавсумдаги Суперлиганинг "энг яхши ёш футболчиси" фаолиятини водий жамоасида давом эттиради  1 08:53Терма жамоамизнинг яна бир аъзосига Греция ва Ла Лига 2 жамоасидан қизиқиш бор  10 08:19"Реал" ўз тарбияланувчисининг қайтганини эълон қилди  6 07:47Терма жамоамизнинг яна бир аъзоси легионерга айланди. Унинг янги жамоасидаги рақами ҳам маълум  7 07:39Ўзбекистон МТЖ аъзоси Эрон чемпиони билан шартнома имзолайди  9 01:44Жезуш Роналду ҳақида: "Унинг таклифи туфайли "Ал Насср"даман"  12 00:48Тер Штеген ғазабда, клубдагилар уни кетади деб ўйлашяпти, аммо...  7 00:30"Андижон" Валижон Раҳимов билан хайрлашди  2 23:43"Ал Ҳилол" собиқ устози энди "Ал Насср"ни бошқаради  1 23:17"Ньюкасл" "Айнтрахт" ҳужумчиси учун 70 млн. евро таклиф қилди  2 22:34Испания ҳукумати Ямалнинг туғилган кун байрамида карлик касаллиги бор одамларнинг ишга ёлланганини текширишни сўради  7 22:04КЖЧдан сўнг "Олтин тўп" учун ким асосий даъвогар?  75 19:54Грилишнинг янги манзили Туркия бўлиши мумкин  3 19:27Расман: Кенжабоев "Қизилқум"га қайтди  7

Превью. "Реал" - "Сан Лоренсо" Новости

Превью. "Реал" - "Сан Лоренсо"

Бугун Марокашда клублар ўртасидаги Жаҳон чемпионати финал учрашуви бўлиб ўтади.
Европа Чемпионлар лигаси ғолиби «Реал» Либертадорес кубоги соҳиби Аргентинанинг «Сан Лоренсо» клубига қарши ўйнайди. СПОРТ телеканали учрашувни жонли равишда эфирга узатади.

Клублар ўртасидаги Жаҳон чемпионати, финал.
20 декабрь 00:30. Марракеш. "Марракеш" стадиони.
"Реал" (Испания) - "Сан Лоренсо" (Аргентина)

Ҳакамлар: Вальтер Лопез (Гуатемала), Леонел Леал (Коста Рика), Герсон Лопез (Гуатемала), Ноумандиез Дуэ (Кот ДИвуар)

Учрашувда ким фаворит эканлиги ҳақида савол ўринсиз. Испан клублар орасида ғалабали серияни давом эттираётган «Реал» мусобақанинг ярим финалида Мексиканинг «Крус Асуль» клубини тор-мор (4:0) этиб ўзининг кетма-кет 21-ғалабасини қўлга киритди.

Мадрид клуби 2014 йилда Европа чемпионлар лигаси, Испания кубоги ва Европа Суперкубогини қўлга киритиб бўлди. Айни пайтда жамоа Испания чемпионатида ишонч билан пешқадамлик қилмоқда. 2014 йилда ҳозирга қадар 176та гол уришга эришди.

«Сан-Лоренсо» Аргентина чемпионатининг биринчи қисмида саккизинчи ўринни банд этди. Ушбу клуб ярим финалда Янги Зеландиянинг «Окленд Сити» клубини фақат қўшимча вақтдагина (2:1) мағлуб эта олди.

transfermarkt.de порталига асосланадиган бўлса клуб футболчиларининг умумий трансфер нархи 37,1 миллион еврога тенг экан. «Реал»да бу кўрсаткич 688,8 миллионга тенг.

«Сан-Лоренсо»да у қадар машҳур футболчилар йўқ. Янги юлдузлардан бири бўлган Анхель Корреа ярим йил олдин «Атлетико» билан шартнома тузиб бўлган. Европада ўйнаганлардан фахрий ҳимоячи Марио Йепес ва Россияда ўйнаб танилган Пабло Баррьентос ҳозир «Лоренсо» сафида ўйнамоқда. Баррьентос ярим финалда «Окленд»га гол уришга муваффақ бўлди.

«Реал»да Модричдан бошқа йўқотиш йўқ. «Крус Асуль» билан баҳсда жароҳат олган Серхио Рамоснинг финалда ўйнаши ҳозирча сўроқ остида. Бироқ ҳимоя марказида Рафаэль Варан бемалол майдонга туша олади. Анчелотти ҳазил тариқасида «Олтин тўп»га даъвогарлардан бири бўлган, охирги учта ўйиндан иккитасида гол урмаган Криштиану Роналду ўз голларини финалга асраб қўйганини маълум қилди.

2007 йилдан буён Жанубий Америка клуби Европа клубини бир марта мағлуб этган: 2012 йилда «Коринтианс» финалда «Челси»ни таслим қилганди (1:0). «Реал» янги форматга ўтказилган мусобақада ғолиб бўла олмаган. Мадрид клуби 12 йил олдин Қитъалараро кубок деб номланган мусобақада ғолиб чиққан.

«Сан-Лоренсо» мўжиза ярата оладими? Бундай бўлишига ишониш қийин. Лекин ғалабали серия қачондир тугаши керак. Бу ҳеч ким кутмаган вақтда содир бўлишини барчамиз биламиз.


Рейтинг:    

Комментарии

championat.asia
< посмотреть последние новости
Яндекс.Метрика