Превью. "Қўқон-1912" - "Олмалиқ"

«Қўқон-1912» (Қўқон) – «Олмалиқ» (Олмалиқ)
26 август 2015. Қўқон. "Марказий" стадиони. 17:00
Ҳакамлар: В. Коваленко (Тошкент), Т. Галеев (Тошкент), А. Пулатов (Тошкент), И. Гармашов (Тошкент)
Назоратчи: А. Абдуллаев (Тошкент).

“Олмалиқ ” ва “Қўқон-1912” клублари шу кунга қадар олий лигада фақат бир марта тўқнаш келишган. “Қўқон-1912” жамоаси сўнгги бор 2003 йил элитада иштирок этган. “Олмалиқ” клуби эса 2008 йилдан буён олий лигада ўйнаб келмоқда.

Дастлабки даврада Олмалиқда ўтган баҳсда Ориф Мамажонов ҳисобни очганди. Бунга майдон эгалари сафида Неманья Йованович ҳамда Зоҳир Пиримов жавоб беришиб "Олмалиқ"қа иродали ғалаба келтиришган эди - 2:1.

Игорь Шквирин бошчилигидаги иккинчи даврани сафарда “Пахтакор”га қарши баҳс билан бошлади – 1:2. 17-турда сафарда “Насаф”га имконият бой берилди – 0:2. Сўнгра “Андижон” сафарда мағлуб этилди – 4:2. Ниҳоят ўтган турда жамоа ўз уйида “Машъал”га қарши ўйин ўтказиб 1:3 ҳисобида имкониятни бой бериб қўйди. "Олмалиқ" 19та ўйиндан 31 очко тўплаб мусобақа жадвалининг 6-поғонасида бормоқда.

“Қўқон-1912” жамоаси иккинчи давранинг илк турини ўз уйида “Динамо”га қарши ўтказиб 3:1 ҳисобида зафар қучди. Кейинги турда “Пахтакор” меҳмони бўлиб ютқазиб қўйди - 1:4. 18-турда қўқонликлар ўз майдонларида “Насаф”га ютқазиб қўйишди – 1:3. Ўтган турда Рустам Абдуллаев жамоаси Андижонда “Андижон”ни мағлуб этди – 2:1. "Қўқон-1912" 19 турдан кейин 17 очко билан 12-ўринда бормоқда.