Превью. "Қизилқум" - "Металлург"

«Қизилқум» (Навоий) – «Металлург» (Бекобод)
28 май 2016. Навоий. "Ёшлар" стадиони. 19:00
Ҳакамлар: В. Цейтлин (Тошкент), Р. Фозилов (Наманган), М. Маджидов (Наманган), Э. Турсунов (Бухоро)
Назоратчи: Х. Мухторов (Самарқанд).
ЎзПФЛ вакили: Р. Черников.

Бу икки клубнинг йўллари олий лига ўйинларида 32 бор кесишган. Устунлик “Қизилқум” томонида. 14та ўйинда “Қизилқум”нинг қўли баланд келган бўлса, 9та учрашувда “Металлург” ғолиб чиққан. Яна 9та баҳсда ғолиб аниқланмаган. Тўплар нисбати ҳам “Қизилқум” фойдасига. Навоийликлар шу кунга қадар ўзаро ўйинларда 46та гол киритиб ўз дарвозаларидан 37 марта тўп олиб чиқишган. Ўзаро ўинларда “Қизилқум” 51, “Металлург” эса 36 очкони қўлга киритган.

“Металлург” олий лигада “Қизилқум” устидан 4:1 ҳисобида ғалаба қозонган. Бу ўзаро ўйинлардаги бекободликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 5:0га тенг.

Ўтган йил 14-турда Бекободда ўтган баҳсда мезбонлар зафар қучишган. Майдон эгалари сафида Шаҳзодбек Нурматов (2та), Аюбхон Нўъмонов ва Зоҳид Абдуллаев гол уришган. “Қизилқум”дан Баҳриддин Ваҳобов ҳамда Фарруҳ Ҳайдаров тўп киритишган – 4:2. Навоийдаги учрашувда дуранг қайд этилган. Меҳмонлар вакили Мирғиёз Сулаймоновнинг голига майдон эгалари сафида Ғайрат Жумаев жавоб берганди – 1:1.

“Қизилқум” майдонида бўлиб ўтган сўнгги беш учрашув:
05.11.2015 «Қизилқум» - «Металлург» 1:1
02.11.2014 «Қизилқум» - «Металлург» 0:0
21.09.2013 «Қизилқум» - «Металлург» 1:0
27.10.2012 «Қизилқум» - «Металлург» 0:0
17.09.2011 «Қизилқум» - «Металлург» 2:1

Ўзаро ўйинлар ҳақида факт: “Қизилқум” майдонида бўлиб ўтган ўйинларда “Металлург” 2 марта ғалаба қозонган. 4та учрашув дуранг қайд этилган. Қолган 10та ўйинда “Қизилқум” зафар қучган. “Металлург” охирги 5та ўйинда бу рақибни сафарда мағлуб эта олмаган.