Превью. "Қизилқум" кетма-кет 10 та ўйиндан буён "Насаф"ни юта олмаяпти
16 мар 13:14
Новости

Превью. "Қизилқум" кетма-кет 10 та ўйиндан буён "Насаф"ни юта олмаяпти

Бугун Қаршида Суперлиганинг 3-туридан ўрин олган "Насаф" - "Қизилқум" учрашуви бўлиб ўтади.

Бу икки клуб ҳозирга қадар Суперлигада 50 марта ўзаро ўйин ўтказишган. "Насаф" 30 та ўйинда ғалаба қозонган, 7 та баҳсда "Қизилқум"нинг қўли баланд келган. Яна 13 та учрашувда томонлар дуранг ўйнашган. Ўзаро ўйинларда "аждарлар" 94 та гол уришган ва 49 та гол ўтказиб юборишган.

"Қизилқум" кетма-кет 10 та ўйиндан буён "Насаф"ни юта олмаяпти - 4 та дуранг ва 6 та мағлубият. Сўнгги бор Навоий клуби 2018 йилги мавсумда ўз майдонидаги баҳсда "Насаф"ни мағлуб этган - 2:0.

Агар "Насаф" майдонидаги ўйинларга эътибор қаратсак "Қизилқум" ўз тарихида фақат бир марта (2008 йил) Қаршидан ғалаба билан қайтган. Яъни 16 йилда буён "Қизилқум" бу жамоани сафарда мағлуб эта олмаяпти.

"Насаф" майдонида ўтган охирги 5 та ўйин:
19.08.2023 "Насаф" – "Қизилқум" 0:0
17.05.2022 "Насаф" – "Қизилқум" 5:0
16.09.2021 "Насаф" – "Қизилқум" 2:1
10.09.2020 "Насаф" – "Қизилқум" 4:0
10.05.2019 "Насаф" – "Қизилқум" 1:1

"Насаф" мавсумни ўз уйида "Олимпик" устидан ғалаба билан бошлади - 2:0. Сўнгра Тошкентда "Пахтакор" билан дуранг ўйнади - 0:0. "Насаф" ҳозирча Суперлигада гол ўтказмаган ягона клуб бўлиб турибди.

"Насаф" — "Қизилқум"
16 март 2024 йил. Қарши, "Марказий" стадиони. 19:00
Бош ҳакам: Абдурашид Хубойберганов
Қанот ҳакамлари: Ҳусниддин Шодмонов, Шавкат Раҳматов
Захира ҳаками: Турғун Жумабоев
ВАР ҳаками: Раҳимбек Каримов
АВАР ҳаками: Ришат Нугманов
Назоратчи: Бахтиёр Тоғаев
Комиссар: Даврон Иброҳимов.

Насаф

Алибек Давронов - 18', Муродбек Рахматов - 42'

Суперлига. Тур 3

16/03/2024, 19:00

Завершен

Кызылкум

Акаки Шулая - 64'

45'

90'

Открыть в Матч-Центре

Ссылка :

Источник : championat.asia

Получайте новости прямо в Telegram!

Рейтинг: +5