Превью. "Қизилқум" - "Андижон"

«Қизилқум» (Навоий) – «Андижон» (Андижон)
14 май 2016. Навоий. "Ёшлар" стадиони. 19:00
Ҳакамлар: Ҳ. Рўзиев (Тошкент), О. Абдувосилов (Тошкент), А. Усмонов (Тошкент), К. Расулов (Қарши)
Назоратчи: Б. Галеев (Урганч).

“Қизилқум” ва “Андижон” олий лигада жами 28 бора тўқнаш келишган. Натижалар “Қизилқум”нинг устунлигини кўрсатмоқда. Навоийликлар 14 та ўйинда ғолиб бўлишган. 2та ўйинда дуранг қайд этилган. 12 учрашувда эса “Андижон” зафар қучган. Тўплар нисбатида ҳам “Қизилқум” олдинда - 48:41. Ўзаро ўйинларда “Қизилқум” 44 очкони, “Андижон” эса 38 очкони  қўлга киритган.

“Қизилқум”нинг ўзаро ўйинларда қозонган энг йирик ғалабаси – 6:2 га тенг. “Андижон”да бу кўрсаткич 5:1 бўлиб турибди.

Ўтган йил Навоийдаги баҳс тақдирини Андрей Деркач томонидан урилган гол ҳал қилганди – 1:0. Водийдаги учрашувда эса голлар шоуси бўлганди. Мезбонлар сафида Асқар Жадигеров, Анвар Бердиев ва Абдулатиф Абдуқодиров тўп киритишганди. “Қизилқум”дан Баҳриддин Ваҳобов ва Наврўзбек Алимов жавоб берди – 3:2.

“Қизилқум” майдонида ўтган сўнгги беш учрашув:
25.04.2015  «Қизилқум» – «Андижон»  1:0
23.03.2014  «Қизилқум» – «Андижон»  1:0
15.06.2012  «Қизилқум» – «Андижон»  1:2
13.08.2011  «Қизилқум» – «Андижон»  2:0
15.05.2010  «Қизилқум» – «Андижон»  2:1

Ўзаро ўйинлар ҳақида факт : “Андижон” клуби ўз тарихида “Қизилқум” майдонида бўлиб ўтган 14та ўйиннинг биттасида ғолиб бўлган (2012) ва бир бор дуранг (2008) ўйнаган. Қолган 12 учрашувда Навоий клуби ўз уйида муваффақиятга эришган. Охирги икки йилда “Қизилқум” гол ўтказмаган ва икки бор ғалаба қозонган.