Превью. "Олмалиқ" - "Насаф"

«ОЛМАЛИҚ» – «НАСАФ»
23 март 2015. Олмалиқ. ОКМК стадиони. 18:00
Ҳакамлар: Ҳ. Рўзиев (Тошкент), А. Усмонов (Тошкент), О. Абдувасилов (Тошкент), А. Рисқуллаев (Тошкент)
Назоратчи: Ғ. Каримов (Тошкент).

“Олмалиқ” ва “Насаф” олий лигада жами 14 бора тўқнаш келишган. Натижалар “Насаф”нинг устунлигини кўрсатмоқда. Қаршиликлар 7та ўйинда ғолиб бўлишган. 7та ўйинда дуранг қайд этилган. “Олмалиқ” шу кунгача “Насаф”ни мағлуб эта олмаган. Тўплар нисбатида ҳам “Насаф” олдинда - 24:12. Ўзаро ўйинларда “аждарлар” 28 очкони, “Олмалиқ” эса 7 очкони  қўлга киритган.

“Насаф”нинг ўзаро ўйинларда қозонган энг йирик ғалабаси – 4:0 га тенг. “Олмалиқ”да ғалаба йўқлиги ҳақида айтиб ўтдик.

Ўтган йил ҳар иккала баҳсда ҳам дуранг кузатилган. Олмалиқда Фарруҳ Сайфиев биринчи дақиқада ҳисобни очган, Обид Жўрабоев иккинчи бўлимда мувозанатни тиклаганди – 1:1. Қаршида ҳам Фарруҳ Сайфиев ҳисобни очган, Артур Геворкян иккинчи бор меҳмонларни ранжитган. Бунга Зоҳир Пиримов ва Шакер Зуагилар жавоб беришган – 2:2.

Олмалиқда бўлиб ўтган сўнгги беш учрашув:
22.06.2014 «Олмалиқ» - «Насаф» 1:1
08.11.2013 «Олмалиқ» - «Насаф» 2:2
03.08.2012 «Олмалиқ» - «Насаф» 0:1
22.10.2011 «Олмалиқ» - «Насаф» 0:0
16.05.2010 «Олмалиқ» - «Насаф» 0:0

Ўзаро ўйинлар ҳақида факт: Олмалиқда бўлиб ўтган етти ўйиндан бештасида дуранг қайд этилган. Икки учрашувда “Насаф” ғалаба қозонган.


Нарзулла Сайдуллаев