Превью. "Олмалиқ" - "Бухоро"

«Олмалиқ» (Олмалиқ) – «Бухоро» (Бухоро)
3 август 2016. Олмалиқ. "ОКМК" стадиони. 19:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Раҳимов (Андижон)
Назоратчи: А. Попов (Тошкент).
УзПФЛ вакили: Б. Ҳайдаров.

“Олмалиқ” ва “Бухоро” олий лигада 15 марта ўзаро ўйнашган. Натижалар “Олмалиқ”нинг устунлигини кўрсатмоқда. “Олмалиқ” 8та ўйинда ғолиб бўлган, “Бухоро” 5 марта бу рақибни мағлуб этган. 2та ўйинда дуранг қайд этилган. Тўплар нисбатида устунлик “Олмалиқ” томонида - 29:16. Ўзаро ўйинларда “Бухоро” 17 очкога эга бўлган бўлса, “Олмалиқ” 26 очкони қўлга киритган.

“Олмалиқ”нинг ўзаро ўйинларда қозонган энг йирик ғалабаси – 6:1га тенг. “Бухоро”нинг энг йирик ғалабаси эса 3:1.

Биринчи даврада "Бухоро" ўз майдонида 2:0 ҳисобида зафар қучган. Руслан Мелзиддинов ва Суҳроб Неъматов пенальтидан гол уришган. 

Олмалиқда бўлиб ўтган охирги беш учрашув:
12.09.2015 «Олмалиқ» - «Бухоро» 1:1
06.06.2014 «Олмалиқ» - «Бухоро» 2:1
05.10.2013 «Олмалиқ» - «Бухоро» 3:2
26.08.2012 «Олмалиқ» - «Бухоро» 1:3
01.10.2011 «Олмалиқ» - «Бухоро» 6:1

Ўзаро ўйинлар ҳақида факт: “Олмалиқ” ўз майдонида бўлиб ўтган 7та ўйиннинг 4тасида ғалаба қозонган. Икки учрашувда дуранг қайд этилган. Битта баҳсда “Бухоро” сафарда бўлишига қарамай рақибни таслим қилишга муваффақ бўлган. Сўнгги уч учрашувда “Олмалиқ” ўз уйида ютқазмаган.