Превью. "Обод" - "Қўқон-1912"

"Қўқон-1912" мавсумнинг иккинчи қисмини сафарда “Обод”га қарши учрашув билан бошлайди. Ушбу жамоалар элитада шу кунга қадар бир марта тўқнаш келишган. Биринчи турда Қўқонда бўлиб ўтган учрашувда Илья Ильиннинг ягона голи эвазига қўқонликлар ғалаба қозонишганди.

Бугун мазкур жамоалар иккинчи марта ўзаро ўйинда майдонга тушишади.

Биринчи учрашувда ҳар икки жамоани бошқа мурабббийлар бошқаришганди. Иккинчи даврадаги ўйинда янги бош мураббийлар жамоаларни майдонга бошлаб тушишади.

Бундан ташқари, “Қўқон-1912” жамоаси таркибида бир қатор ўзгаришлар содир бўлганини эътироф этиш жоиз.
 
Ўйин ҳакамлари

Мазкур учрашувда ишлайдиган ҳакамлар ва назоратчилар маълум қилинди. Лига дебютантига қарши кечадиган ўйинни Зокир Қодиров бошчилигидаги ҳакамлар бошқариб боришади.

Ушбу ҳакам жамоамизнинг 25 март куни Наманганда бўлиб ўтган Ўзбекистон кубоги 1/8 финал дастлабки учрашувини бошқарганди.

Олий лига
16-тур.
2 август 2016. Тошкент. "Жар" стадиони. 18:00
«Обод» (Тошкент) – «Қўқон-1912» (Қўқон)
Ҳакамлар: З. Қодиров (Навоий), Н. Рўзимов (Тошкент), Б. Қодиров (Бухоро), Б. Юльчараев (Гулистон)
Назоратчи: Ш. Жумаев (Қарши).
ПФЛ вакили: Ф. Магаметов.