Превью. "Нефтчи" - "Машъал"

«Нефтчи» (Фарғона) – «Машъал» (Муборак)
18 апрель 2015. Фарғона. “Истиқлол” стадиони. 17:00
Ҳакамлар: Р. Бобомуродов (Навоий), Р. Самандаров (Навоий), О. Жумаев (Навоий), А. Шукуруллаев (Тошкент)
Назоратчи: А. Попов (Тошкент).
УзПФЛ вакили: В. Леткин.

“Нефтчи“ ҳамда “Машъал“ шу кунга қадар ўзаро 28 маротаба куч синашишган. Натижалар “Нефтчи”нинг устунлигини кўрсатмоқда. Водийликлар 28 баҳснинг 18тасида ғалаба қозонишган. 9та ўйинда “Машъал”нинг қўли баланд келган. Бу жамоалар шу кунга қадар олий лигада бир марта дуранг ўйнашган. Тўплар нисбати ҳам “Нефтчи” фойдасига 53-27. Ўзаро ўйинларда “Нефтчи” 55 очони қўлга киритган бўлса, “Машъал” 25 очколик бўлган.

“Нефтчи”нинг “Машъал” устидан қозонган энг йирик ғалабаси – 7:0. “Машъал”нинг “Нефтчи” устидан қозонган энг йирик ғалабаси эса – 3:0 ни ташкил этади.

Ўтган мавсум Фарғонада бўлиб ўтган ўйинда томонлар рақиб дарвозасига гол ура олишмаган - 0:0. Муборакдаги учрашув тақдирини битта гол ҳал қилган. Иккинчи бўлим бошида Зоҳир Қўзибоевнинг киритган тўпи "Машъал"га ғалаба келтирган - 1:0.

Фарғонада ўтган сўнгги беш учрашув:
26.04.2014  «Нефтчи» – «Машъал»  0:0
04.05.2012  «Нефтчи» – «Машъал»  3:0
13.08.2011  «Нефтчи» – «Машъал»  2:1
10.04.2010  «Нефтчи» – «Машъал»  3:0
26.10.2009  «Нефтчи» – «Машъал»  1:0

Ўзаро ўйинлар ҳақида факт: Бу жамоалар ўртасидаги Фарғонада кечган 14та учрашувнинг 12тасида “Нефтчи” зафар қучган. “Машъал” фақат бир марта 2005 йил водийда “Нефтчи”ни мағлуб этиб қайтган. Ўтган йилги мавсумда дуранг (0:0) қайд этилган.