Превью. "Насаф" - "Локомотив"

«Насаф» (Қарши) – «Локомотив» (Тошкент)
16 июнь 2016. Қарши. "Марказий" стадиони. 20:00
Ҳакамлар: Ҳ. Рўзиев (Тошкент), О. Абдувосилов (Тошкент), А. Усмонов (Тошкент), Д. Пислегин (Тошкент)
Назоратчи: Г. Имомов (Тошкент).
ЎзПФЛ вакили: А. Иноятов.

Бу икки клубнинг йўллари олий лига ўйинларида 22 бор кесишган. Устунлик “Насаф” томонида. 12та ўйинда қаршиликларнинг қўли баланд келган бўлса, 5та учрашувда “Локомотив” ғолиб бўлган. Беш учрашувда ғолиб аниқланмаган. Тўплар нисбати ҳам “Насаф” фойдасига. “Аждарлар” шу кунга қадар ўзаро ўйинларда 31та гол киритиб ўз дарвозаларидан 20 марта тўп олиб чиқишган. Ўзаро ўинларда “Насаф” 41 очкони, “темирйўлчилар” эса 20 очкони қўлга киритишган.

“Насаф” олий лигада “Локомотив” устидан 5:1 ҳисобида ғалаба қозонган. Бу ўзаро ўйинлардаги воҳаликларнинг энг йирик ғалабаси ҳисобланади. “Локомотив”нинг ўзаро ўйинлардаги бу рақиб устидан эришган энг йирик ғалабаси эса 5:2 бўлиб турибди.

Бир йил олдин Қаршидаги баҳс тақдирини Фаррух Сайфиев томонидан урилган гол ҳал қилганди – 1:0. Тошкентда ҳам мухлислар битта гол гувоҳи бўлишган. Санжар Шоаҳмедовнинг урган голи мезбонларга ғалаба келтирган – 1:0.

Қаршида ўтган сўнгги беш учрашув:
01.05.2014 «Насаф» - «Локомотив» 1:0
10.08.2014 «Насаф» - «Локомотив» 2:5
25.05.2013 «Насаф» - «Локомотив» 2:1
17.11.2012 «Насаф» - «Локомотив» 0:2
26.10.2010 «Насаф» - «Локомотив» 2:0

Ўзаро ўйинлар ҳақида факт:  Қаршида бўлиб ўтган 11та ўйиннинг 8тасида “Насаф”нинг қўли баланд келган. Икки ўйинда “Локомотив” уч очко эгасига айланган. Яна битта учрашувда ғолиб аниқланмаган.