Превью. "Машъал" - "Қизилқум"

Натижалар Муборак клубининг устунлигини кўрсатмоқда. Ушбу ўйинлардан 7 тасида “Машъал” ғолиб бўлган. 11 ўйин дуранг ҳисобида якунланган. Яна 6 учрашувда “Қизилқум” ғолиб бўлган.

“Машъал” шу кунгача ўзаро ўйинларда “Қизилқум” дарвозасига 32та гол киритган “Қизилқум” эса 29 бора “Машъал” посбонини ранжитган. “Машъал” 32, “Қизилқум” 29 очкони қўлга киритишган. “Машъал”нинг олий лигада “Қизилқум” устидан эришган энг йирик ғалабаси 6:1 ни ташкил қилади. Зарафшонликнинг энг йирик ғалабаси эса – 6:3 бўлиб турибди.

Ўтган йил биринчи даврада Навоийда бўлиб ўтган баҳсда дуранг қайд этилган. Иккала жамоа бир қатор вазиятлар яратишган, бироқ ҳеч бир томон гол ура олмаган – 0:0. Муборакда “Машъал” зафар қучган. Зоҳир Қўзибоев ва Сирож Ҳамроевнинг голларига “Қизилқум”дан Акмал Рустамов жавоб берган – 2:1.

Муборакда ўтган сўнгги беш учрашув:
27.08.2014 «Машъал» - «Қизилқум» 2:1
20.06.2012 «Машъал» - «Қизилқум» 0:2
09.04.2011 «Машъал» - «Қизилқум» 0:0
29.05.2010 «Машъал» - «Қизилқум» 0:2
30.10.2009 «Машъал» - «Қизилқум» 6:1

Ўзаро ўйинлар ҳақида факт : Бу жамоаларнинг Муборакда бўлиб ўтган 12та учрашувнинг 2таси дуранг билан тугаган. Бешта ўйинда “Машъал” ғалаба қозонган, яна бешта учрашувда “Қизилқум” сафардан уч очко билан қайтган.

Нарзулла Сайдуллаев тайёрлади