Превью. "Машъал" - "Бунёдкор"

«МАШЪАЛ» – «БУНЁДКОР»
23 март. Муборак. “Баҳром Вафоев” номидаги стадион. 16:00
Ҳакамлар: В.Коваленко, Р.Илёсов, М.Саидқосимов, Д.Каримов.
Назоратчи: А.Абдуллаев.

Ушбу жамоалар шу кунга қадар ўзаро 12 марта куч синашишган. Натижалар “Бунёдкор”нинг яққол устунлигини кўрсатмоқда. “Қалдирғочлар” 12 баҳснинг барчасида ғалаба қозонишган. Бундан ташқари “Машъал” олий лигада ҳали “Бунёдкор” дарвозасини ишғол қила олмаган. Тўплар нисбати 23-0 “Бунёдкор” фойдасига. Ўзаро ўйинларда “Бунёдкор” 36 очони қўлга киритган бўлса, “Машъал”да бу кўрсаткич ҳозирча 0 бўлиб турибди.

“Бунёдкор”нинг “Машъал” устидан қозонган энг йирик ғалабаси – 3:0. “Машъал” ҳисобида ғалаба умуман йўқлиги ҳақида айтиб ўтдик.

2013 йил “Машъал” биринчи лигада ўйнади. Икки жамоа ўртасидаги сўнгги учрашувлар 2012 йилда бўлиб ўтган. Дастлабки турда Тошкентда ташкил этилган баҳсда Артём Филипосян томонидан урилган гол “Бунёдкор”га ғалаба келтирган. Сўнгги тур Муборакдаги учрашувда Камолиддин Мурзоев ва Баҳодир Пардаев майдон эгаларини ранжитишган.

Муборакда ўтган сўнгги беш учрашув:
21.11.2012 «Машъал» – «Бунёдкор»  0:2
07.03.2011 «Машъал» – «Бунёдкор»  0:2
05.08.2010 «Машъал» – «Бунёдкор»  0:2
12.11.2009 «Машъал» – «Бунёдкор»  0:1
11.09.2008 «Машъал» – «Бунёдкор»  0:2

Ўзаро ўйинлар ҳақида факт: “Машъал” ушбу рақиб дарвозасига ўз уйида умуман гол ура олмагани тушунарли. “Бунёдкор” Муборакда 540 дақиқада давомида ўз дарвозаси даҳлсизлигини сақлаб келмоқда. Охирги уч ўйинда “қалдирғочлар” “Машъал” майдонидан бир хил 2:0 ҳисобидаги ғалабалар билан қайтишган.

Тахмин: "Машъал" балки бу рақиб дарвозасига биринчи голини урар, лекин барибир "Бунёдкор" ғолиб бўлса керак.

Нарзулла Сайдуллаев