Превью. "Локомотив" - "Машъал"

«Локомотив» (Тошкент) – «Машъал» (Муборак)
15 апрель 2016. Тошкент. "Локомотив" стадиони. 16:30
Ҳакамлар: Ш. Қосимов (Тошкент), М. Саидқосимов (Тошкент), Д. Сайлалов (Тошкент), И. Худойдотов (Тошкент)
Назоратчи: Ф. Абдуллаев (Тошкент).

“Машъал“ ва “Локомотив“ олий лигада жами 20 маротаба куч синашишган. Натижалар "Локо"нинг устунлигини кўрсатмоқда. “Машъал” 20 баҳснинг 9тасида ғалаба қозонган. Битта учрашувда томонлар муроса кўчасини танлашган ва 10та ўйинда “Локомотив”нинг қўли баланд келган. Тўплар нисбати “Машъал” фойдасига 25:24. Ўзаро ўйинларда “Машъал” 28, “Локомотив” 31 очколик бўлган.

“Локомотив”нинг “Машъал” устидан қозонган энг йирик ғалабаси – 3:1. Ўз навбатида “Машъал”нинг  “темирйўлчилар” устидан қозонган энг йирик ғалабаси – 4:1 ни ташкил этади.

Ўтган мавсум дастлабки даврада “Локомотив” сафардан ғалаба билан қайтган. Санжар Шоаҳмедов, Темурхўжа Абдухолиқов ва кичик Жасур Ҳасановнинг голларига мезбонлар сафида Ҳумоюн Муртазоев жавоб берганди – 1:3. Тошкентдаги баҳс тақдирини Марат Бикмаев томонидан урилган ягона гол ҳал қилганди - 1:0.

Тошкентда ўтган сўнгги беш учрашув:
04.11.2015 «Локомотив» - «Машъал» 1:0
01.10.2014 «Локомотив» - «Машъал» 3:1
15.06.2012 «Локомотив» - «Машъал» 1:0
26.08.2010 «Локомотив» - «Машъал» 0:2
18.04.2009 «Локомотив» - «Машъал» 1:0

Ўзаро ўйинлар ҳақида факт: “Локомотив” ўз уйида “Машъал”га қарши кечган 10та ўйиндан олтитасида ғолиб бўлган. Учта ўйинда муборакликлар зафар қучишган. Бир бор дуранг қайд этилган. “Темирйўлчлар” охирги 3та уй ўйинида уч бор ғолиб бўлишган.