Превью. "Локомотив" - "Машъал"

«ЛОКОМОТИВ» – «МАШЪАЛ»
1 октябрь 2014 йил. Тошкент. ТТЙМИ стадиони. 17:00
Ҳакамлар: З.Қодиров, Х.Мирзааҳмедов, А.Снетков, В.Нажафалиев.
Назоратчи: Г.Имомов.

“Локомотив“ ва “Машъал“ олий лигада жами 17 маротаба куч синашишган. Натижалар “Машъал”нинг устунлигини кўрсатмоқда. “Машъал” 17 баҳснинг 9тасида ғалаба қозонган. Битта учрашувда томонлар муроса кўчасини танлашган ва 7та ўйинда “Локомотив”нинг қўли баланд келган. Тўплар нисбати ҳам “Машъал” фойдасига 23:17. Ўзаро ўйинларда “Машъал” 28 очони қўлга киритган бўлса, “Локомотив” 22 очколик бўлган.

“Локомотив”нинг “Машъал” устидан қозонган энг йирик ғалабаси – 2:0. Ўз навбатида “Машъал”нинг  “темирйўлчилар” устидан қозонган энг йирик ғалабаси – 4:1 ни ташкил этади.

Дастлабки даврада Муборакда ташкил этилган баҳсда мухлислар иккита гол гувоҳига айланишганди. Лутфулла Тўраев ва Фарҳод Тожиевнинг голлари “Локомотив”га сафардаги ғалабани келтирганди – 0:2.

Тошкентда ўтган сўнгги беш учрашув:
15.06.2012 «Локомотив» - «Машъал» 1:0
26.08.2010 «Локомотив» - «Машъал» 0:2
18.04.2009 «Локомотив» - «Машъал» 1:0
21.09.2008 «Локомотив» - «Машъал» 1:2
19.05.2007 «Локомотив» - «Машъал» 0:0

Ўзаро ўйинлар ҳақида факт : “Локомотив” клуби ўз уйида “Машъал”га қарши кечган 8та ўйиндан иккитасида ғолиб бўлган. Яна 3та ўйинда муборакликлар зафар қучишган. Битта баҳсда эса дуранг қайд этилган.