ПРЕВЬЮ. "Локомотив" - "Динамо"
24 окт 2014 07:49
Новости

ПРЕВЬЮ. "Локомотив" - "Динамо"

Олий лиганинг 24-турини очиб берувчи баҳсда "Локомотив" ва "Динамо" тўқнаш келишади.

«Локомотив» – «Динамо»
24 октябрь 2014. Тошкент. "Локомотив" стадиони. 16:00
Ҳакамлар: Т.Тўхтасинов, О.Абдувасилов, Н.Рўзимов, А.Раҳимов.
Назоратчи: В.Валицкий.

“Локомотив” ва “Динамо” олий лигада 19 бора тўқнаш келишган. Натижалар самарқандликларнинг устунлигини кўрсатмоқда. “Динамо” 10та ўйинда ғолиб бўлган, 3та ўйин дуранг ҳисобида якунланган. “Локомотив” ушбу рақибни ҳозирга қадар 6 марта мағлуб эта олган. Тўплар нисбатида ҳам устунлик “Динамо” томонида - 33:26. Ўзаро ўйинларда “Динамо” 33, “Локомотив” эса 21 очкони қўлга киритган.

“Локомотив”нинг ўзаро ўйинларда қозонган энг йирик ғалабаси – 4:0га тенг. “Динамо”да бу кўрсаткич янада каттароқ – 5:0.

Биринчи даврада Самарқандда бўлиб ўтган ўйиннинг биринчи бўлимида Ислом Тўхтахўжаев меҳмонларни олдинга олиб чиққанди. 66-дақиқада Салим Мустафоев ўз дарвозасини ишғол қилиб қўйиб ҳисобни тенглашишига сабабчи бўлганди. Орадан уч дақиқа ўтиб айнан Мустафоевнинг ўзи бу сафар “Динамо” дарвозасига гол уриб айбини ювган – 1:2.

Тошкентда бўлиб ўтган сўнгги беш учрашув:
03.05.2013 «Локомотив» - «Динамо» 3:1
03.08.2012 «Локомотив» - «Динамо» 3:1
02.10.2010 «Локомотив» - «Динамо» 2:2
18.08.2009 «Локомотив» - «Динамо» 1:2
17.10.2008 «Локомотив» - «Динамо» 1:2

Ўзаро ўйинлар ҳақида факт: Тошкентда бўлиб ўтган 9та ўйиннинг 4тасида “темирйўлчилар” зафар қучишган. Бир марта (2010 йил) дуранг қайд этилган. Қолган тўртта учрашувда “Динамо” сафардан ғалаба билан қайтган. Охирги уч ўйинда “Локо” ўз уйида мағлуб бўлмаган.

Ссылка :

Источник : championat.asia

Получайте новости прямо в Telegram!

Рейтинг: