Превью. "Локомотив" - "Бунёдкор"

«Локомотив» (Тошкент) – «Бунёдкор» (Тошкент)
28 август. Тошкент. "Локомотив" стадиони. 18:00
Ҳакамлар: В. Коваленко (Тошкент), М. Саидқосимов (Тошкент), Х. Шодмонов (Бухоро), Р. Толибжанов (Фарғона)
Назоратчи: Г. Каримов (Ташкент).
ПФЛУз вакили: Н. Лутфулин.

“Бунёдкор” ва “Локомотив” олий лигада 13 бора тўқнаш келишган. Натижалар “қалдирғочлар”нинг устунлигини кўрсатмоқда.

“Бунёдкор” ушбу рақибни 7 марта мағлуб этган. 4та ўйинда дуранг натижаси қайд этилган. “Локомотив” ҳозиргача “Бунёдкор”ни 2 марта мағлуб эта олган. “Бунёдкор” ўзаро ўйинларда 23та гол урган, “Локомотив” футболчилари 13 марта ҳамшаҳарлари дарвозасини ишғол этишган. “Бунёдкор” ўзаро ўйинларда 25 очкога эга бўлган, “темирйўлчилар” ҳисобида 10 очко бор. “Бунёдкор”нинг ўзаро ўйинларда энг йирик ғалабаси 4:0га тенг. “Локомотив”нинг энг йирик ғалабаси – 3:1.

5-турда “Бунёдкор” майдонида ташкил этилган баҳсда дуранг қайд этилган. Олександр Пишурнинг биринчи бўлимда урган голига баҳс сўнггида Фарҳод Тожиев жавоб берганди – 1:1.

“Локомотив” майдонида ўтган барча учрашувлар:
05.08.2013 «Локомотив» - «Бунёдкор» 1:1
08.10.2012 «Локомотив» - «Бунёдкор» 3:1
09.04.2010 «Локомотив» - «Бунёдкор» 0:4
04.04.2009 «Локомотив» - «Бунёдкор» 0:2
03.10.2008 «Локомотив» - «Бунёдкор» 2:3
03.12.2007 «Локомотив» - «Бунёдкор» 2:1

Ўзаро ўйинлар ҳақида факт: “Локомотив” майдонида бўлиб ўтган 6та ўйиннинг учтасида меҳмонлар ғалаба қозонган. Битта учрашувда дуранг кузатилган. “Темирйўлчилар” икки марта зафар қучишган.