Превью. "Динамо" - "Пахтакор"

«ДИНАМО» – «ПАХТАКОР»
26 апрель. Самарқанд. "Динамо" стадиони. 16:30
Ҳакамлар: М.Исмоилов, Ҳ.Шодмонов, А.Цапенко, С.Сатторов
Назоратчи: Р.Айтеков.

“Динамо” ва “Пахтакор” олий лигада 40 бора тўқнаш келишган. Натижалар “шерлар”нинг устунлигини кўрсатмоқда. “Пахтакор” 31та ўйинда ғолиб бўлган, “Динамо” 5 марта бу рақибни мағлуб этган. 4та ўйинда дуранг қайд этилди. Тўплар нисбатида катта устунлик “Пахтакор” томонида - 80:21. Ўзаро ўйинларда “Пахтакор” 97 очкога эга бўлган бўлса, “Динамо” 19 очкони қўлга киритган.

“Пахтакор”нинг ўзаро ўйинларда қозонган энг йирик ғалабаси – 5:0га тенг. “Динамо”нинг энг йирик ғалабаси эса 2:0.

2013 йилги иккала учрашувда ҳам “шерлар” муваффақият қозонишган. Тошкентдаги баҳсда Ғулом Ўрунов, Темурхўжа Абдухолиқов, Кахи Махарадзе ва Жора Оганесян гол уришган – 4:0. Самарқанддаги учрашувда ҳам Кахи Махарадзе ҳамда Жора Оганесян ўзини кўрсатган “Динамо” сафида Комил Шарофутдинов жавоб берган – 1:2.

Самарқандда бўлиб ўтган сўнгги беш учрашув:
18.10.2013 «Динамо» - «Пахтакор» 1:2
08.04.2012 «Динамо» - «Пахтакор» 0:1
05.08.2011 «Динамо» - «Пахтакор» 0:0
26.10.2010 «Динамо» - «Пахтакор» 2:1
14.09.2009 «Динамо» - «Пахтакор» 1:1

Ўзаро ўйинлар ҳақида факт: “Динамо” ўз майдонида бўлиб ўтган 20та ўйиннинг 4тасида зафар қучган. Тўрт марта дуранг қайд этилган. “Пахтакор” Самарқанддан 12 бора уч очко билан қайтган. Охирги уч мавсумда “Динамо” ўз уйида бу рақибни енга олмаган.