Превью. "Бухоро" - "Насаф"

«Бухоро» (Бухоро) – «Насаф» (Қарши)
12 апрель 2015. Бухоро. "Бухоро" стадиони. 17:30
Ҳакамлар: В.Серазетдинов, Р.Нугманов, Д.Сайлалов, А.Шукуруллаев.
Назоратчи: А.Хотамов.

Бу икки клубнинг йўллари олий лига ўйинларида 34 бор кесишган. Устунлик “Насаф” томонида. 34 ўйиндан 17тасида қаршиликларнинг қўли баланд келган бўлса, 9 учрашувда “Бухоро” ғолиб бўлган. 8та учрашувда ғолиб аниқланмаган. Тўплар нисбати ҳам “аждарлар” фойдасига. Қаршиликлар шу кунга қадар ўзаро ўйинларда 60та тўп киритиб ўз дарвозасидан 37 марта тўп олиб чиқишган. Ўзаро ўйнларда “Насаф” 59 очкони, “Бухоро” эса 35 очкони қўлга киритган.

“Насаф” олий лигада “Бухоро” устидан 6:0 ҳисобида ғалаба қозонган. Бу ўзаро ўйинлардаги “аждарлар”нинг энг йирик ғалабасидир. “Бухоро”нинг ўзаро ўйинлардаги “Насаф” устидан эришган энг йирик ғалабаси эса 5:1 бўлиб турибди.

Ўтган йил “Насаф” ҳар иккала баҳсда ҳам зафар қучган. Қаршида Артур Геворкян, Кенжа Тўраев ва Фарруҳ Сайфиев ўзларини кўрсатишган – 3:0. Бухорода эса Кенжа Тўраев ҳамда Азамат Алланиязов мезбонлар дарвозасига гол уришган – 0:2.

Бухоро ўтган сўнгги беш учрашув:
15.08.2014 «Бухоро» - «Насаф» 0:2
29.10.2013 «Бухоро» - «Насаф» 1:5
26.06.2012 «Бухоро» - «Насаф» 1:0
22.04.2011 «Бухоро» - «Насаф» 1:1
07.03.2009 «Бухоро» - «Насаф» 0:1

Ўзаро ўйинлар ҳақида факт: “Бухоро” ўз уйида 9 бор “Насаф”ни таслим қилган. Тўртта учрашув дуранг билан тугаган. “Аждарлар” тўрт марта Бухородан уч очко билан қайтган. Охирги икки баҳсда “Насаф” сафардан уч очко билан қайтган.