Превью. "Бунёдкор" – "Насаф"

Натижалар “Бунёдкор”нинг устунлигини кўрсатмоқда. Шу кунга қадар “Бунёдкор” 8та ўйинда ғалаба қозонган. Бешта ўйин дуранг билан якунланган. “Насаф” бугунга қадар “Бунёдкор”ни уч марта мағлубиятга учратган. “Бунёдкор” 24та тўп киритган, “Насаф” эса тошкентликлар дарвозасини 9 бора аниқ нишонга олган. “Қалдирғочлар” ўзаро ўйинларда 29 очко ишлаб олишган бўлса, “аждарлар”нинг ушбу кўрсаткичи 14тага тенг.

“Бунёдкор”нинг ўзаро ўйинларда “Насаф" устидан қозонган энг йирик ғалабаси – 5:0 га тенг. “Насаф”нинг йирик ғалабаси эса – 2:0.

Ўтган мавсум 8-турда Қаршида кечган ўйинда мезбонлар ғалаба қозонишган. Дастлабки бўлимда Илҳом Юнусов, иккинчи бўлимда Илҳом Шомуродов “Бунёдкор” дарвозасини ишғол қилишганди – 2:0. Тошкентда ҳам “аждарлар” ғалаба қозонишган. Илҳом Шомуродов ва Артур Геворкяннинг голларига Тимур Аюпов жавоб берганди – 1:2.
 
Тошкентда ўтган сўнгги беш учрашув:  
25.09.2014 «Бунёдкор» - «Насаф» 1:2
08.03.2013 «Бунёдкор» - «Насаф» 3:0
16.06.2012 «Бунёдкор» - «Насаф» 0:0
11.06.2011 «Бунёдкор» - «Насаф» 2:1
28.07.2010 «Бунёдкор» - «Насаф» 5:0

Ўзаро ўйинлар ҳақида факт: Бу жамоалар Тошкентда жами 8 бор куч синашишган. Шундан 6тасида “қалдирғочлар” ғалабага эришишган. “Насаф” пойтахтда ушбу жамоани бир марта мағлуб эта олган. 2012 йилда сафардан дуранг билан қайтган.

Нарзулла Сайдуллаев тайёрлади.