Превью. "Бунёдкор" - "Андижон"

«БУНЁДКОР» – «АНДИЖОН»
14 июнь. 19:00. Тошкент. "Жар" стадиони.
Ҳакамлар: Ш.Қосимов, Ж.Саидов, А.Пўлатов, Д.Досанов
Назоратчи: И.Мустафин.

Бу икки клуб ўзаро 12 бор куч синашишган. Натижалар “Бунёдкор”нинг катта устунлигини кўрсатмоқда. “Қалдирғочлар” 9та ўйинда ғолиблик нашидасини суришган. 3та ўйин дуранг билан якунланган. Тўп киритиш борасида ҳам устунлик ўз-ўзидан “Бунёдкор” томонида – 20:3. Ўзаро ўйнларда “Бунёдкор” 30 очкони қўлга киритган. “Андижон” эса ҳозиргача 3 очко ишлаб олган.

“Бунёдкор”нинг “Андижон” устидан қозонган энг йирик ғалабаси – 3:0. “Андижон” ҳисобида ғалаба йўқлигнин айтиб ўтдик.

Ўтган йил “бургутлар” олий лигада ўйнамаган, шу боис ушбу жамоалар ўртасидаги охирги ўйинлар 2012 йил бўлиб ўтган. Ўшанда водийдаги баҳсда Шавкат Саломов ва Як Козак томонидан урилган голлар “қалдирғочлар”га ғалаба келтирганди – 0:2. Тошкентдаги баҳсда эса ҳисоб очилмаганди – 0:0.

Тошкентда ўтган сўнгги беш учрашув:
04.08.2012  «Бунёдкор» – «Андижон»  0:0
25.04.2011  «Бунёдкор» – «Андижон»  3:1
22.05.2010  «Бунёдкор» – «Андижон»  1:0
13.09.2009  «Бунёдкор» – «Андижон»  3:0
14.11.2008  «Бунёдкор» – «Андижон»  2:0

Ўзаро ўйинлар ҳақида факт: “Бунёдкор” клуби “Андижон”га қарши кечган ўз уйидаги 5та ўйинда ғалабага эришган. “Бургутлар” фақат бир бор Тошкентдан бир очко билан ортларига қайтишган. “Андижон” ушбу жамоа майдонида фақат бир марта гол урган.