Превью. "Андижон" - "Навбаҳор"

«Андижон» (Андижон) – «Навбаҳор» (Наманган)

Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Д. Мухторов (Тошкент)
Назоратчи: А. Абдуллаев (Тошкент)

Водийнинг бу икки клуби ўзаро 42 бор куч синашишган. Натижалар “Навбаҳор”нинг устунлигини кўрсатмоқда. “Лочинлар” 22 ўйинда ғалаба қозонишган, 12 учрашув дуранг билан якунланган. “Андижон” ҳисобида 8та ғалаба бор. Тўп киритиш борасида ҳам устунлик “Навбаҳор” томонида – 66:42. Ўзаро ўйнларда “Навбаҳор” 78, “Андижон” эса 36 очколик бўлган.

“Навбаҳор”нинг “бургутлар” устидан қозонган энг йирик ғалабаси – 5:0. “Андижон”нинг энг йирик ғалабаси эса – 5:1 бўлиб турибди.

Ўтган мавсум 8-турда Косонсойда бўлиб ўтган ўйинда Отабек Валижонов, Шахбоз Эркинов ва Бахтиёр Ёқубовнинг голлари эвазига “лочинлар” 3:0 ҳисобида зафар қучишганди. Андижонда эса мезбонлар зафар қучишган. Абдулатиф Абдуқодиров, Азиз Ибрагимов, Аббос Махсталиевнинг голларига наманганликлар сафида Шахбоз Эркинов жавоб берганди – 3:1.

«Андижон» уйида ўтган сўнгги беш учрашув:
26.09.2014 «Андижон» - «Навбаҳор» 3:1
10.08.2012 «Андижон» - «Навбаҳор» 0:1
01.10.2011 «Андижон» - «Навбаҳор» 0:0
05.08.2010 «Андижон» - «Навбаҳор» 5:1
04.04.2009 «Андижон» - «Навбаҳор» 1:1

Ўзаро ўйинлар ҳақида факт:  “Андижон” ўз тарихида бугунга қадар ўз майдонида “Навбаҳор”ни 8 марта мағлуб этган. Яна 7та учрашув дуранг билан тугаган. Қолган 6та баҳсда “лочинлар” зафар қучишган. 

Нарзулла Сайдуллаев тайёрлади