Превью. "Андижон" - "Олмалиқ"

«Андижон» (Андижон) – «Олмалиқ» (Олмалиқ)
16 июнь 2016. Андижон. "Соғлом Авлод" стадиони. 18:30
Ҳакамлар: В. Цейтлин (Тошкент), Б. Қодиров (Бухоро), А. Қўлдошев (Бухоро), Д. Каримов (Тошкент)
Назоратчи: М. Исмиилов (Тошкент).
ЎзПФЛ вакили: Г. Ртвеладзе.

“Андижон” ҳамда “Олмалиқ” олий лигада жами 14 бора тўқнаш келишган. “Олмалиқ” 8 марта, “бургутлар” 4 марта ғолиб чиққан, иккита баҳсда дуранг натижаси қайд этилган. Тўплар нисбати “Олмалиқ” фойдасига 26:19ни ташкил қилмоқда. Ўзаро ўйинларда “Андижон” 14, “Олмалиқ” 26 очкони қўлга киритган.

“Андижон”нинг “Олмалиқ” устидан қозонган йирик ғалабаси – 4:2. “Олмалиқ”нинг ўзаро ўйинларда андижонликлар устидан қозонган энг йирик ғалабаси 4:1.

Ўтган мавсум дастлабки даврада томошабинлар 5та голнинг гувоҳига айланишган. Жаҳонгир Абдумўминов, Ислом Иномов ва Неманья Йованович мезбонлар сафида, Абдумалик Абдуллаев ҳамда Иброҳим Отахонов меҳмонлар таркибида гол уришганди – 3:2. Водийда эса 6та гол урилган. Мезбонлар сафида Иқбол Акрамов, Рустам Аъзамов гол уришган, “Бухоро”да эса Шавкат Саломов, Алишер Шоғуломов, Саламат Қутибоев ва Неманья Йованович тўп киритишган – 2:4.

Андижонда ўтган барча учрашувлар:
15.08.2015 «Андижон» - «Олмалиқ» 2:4
22.08.2014 «Андижон» - «Олмалиқ» 1:1
27.10.2012 «Андижон» - «Олмалиқ» 1:4
05.08.2011 «Андижон» - «Олмалиқ» 1:0
14.03.2010 «Андижон» - «Олмалиқ» 3:2

Ўзаро ўйинлар ҳақида факт: “Андижон” ўз уйида ўтказган 7та ўйиннинг 4тасида ғолиб бўлган. Икки марта (2012 ва 2015 йил) “Олмалиқ” сафардан ғалаба билан қайтган. Битта ўйин дуранг билан тугаган. Охирги учта учрашувда “бургутлар” ўз майдонларида бу рақибни умуман мағлуб эта олишмаган.