Полиглот, учувчи, пианиночи...

Ўз вақтида Вагнер Лав ЦСКАдан кетганидан кейин барча мухлислар "аза" тутганди. Бранислав Иванович кетганидан кейин "Локомотив" мухлислари қаттиқ ташвишга тушишди. "Қизил-оқлар" фанатлари эса Веллитон ва Алекс кетганидан кейин анча сиқилишганди.

Қозоннинг "Рубин" жамоаси эса ўз тарихида шундай футболчиси борлиги билан фахрланса бўлади. Ушбу йилнинг қишида 4,5 млн фунт эвазига "Сток Сити"га ўтган австриялик ҳимоячи Мориц Бауэр ҳали ҳам рус жамоаси мухлисларининг қалбидан ўчгани йўқ. У ўзининг ҳаракатлари билан рус футболининг меҳрини қозонди.

Русларни яхши кўрувчи полиглот

Швейцариялик мақоми билан "Рубин"га ўтган Бауэр клубни тарк этаётганида жамоа мухлисларига трагик номани етказди. У буни иккита тилда ёзди - биринчиси инглиз тилида, иккиниси эса рус. Йўқ, у бунда таржимондан фойдаланмади, бундай ўйлаш ҳам хато иш. У полиглот, у немис тилини билади (мантиқан олиб қараганда шундайлиги аниқ, у Швейцарияда туғилган), шунингдек, француз, инглиз, испан тилларида яхши гаплашади. Шунингдек, ўзи яшаган жойда рус тилидан ҳам анчагина дарс олган.

Мориц илк марта Қозондагилар билан кечки базмга чиққанида рус тилидаги биринчи дарсларини олишни бошлаганини, ўша ерда ўз кундалигини илк русча сўзлар билан тўлдириб қўйган.

"Бу фантастик даражадаги тажриба эди. Уларнинг олдида бирорта ёмон сўз айтиб қўйишдан қўрқдим. Улар менга жуда ҳам  меҳрибон эди. Айнан ўша кунда мен рус тилини ўрганиш учун катта қадам ташлагандим", - деди австриялик бўлган швейцариялик инглиз нашрига.

Ўйинга самолётда!

Мориц фақатгина бир соҳага қизиқмаган. Профессионал футболчиларнинг жуда ҳам озчилигида учувчилик лицензияси йўқ. Бауэр эса моҳир учувчи ҳисобланади. У ўзига қулай бўлган вақтда пропеллер самолётда саёҳатга чиқарди. У ўз интервьюларининг бирида жиддий жароҳат олганида бўш вақти кўп бўлган. Ўшанда у дори олиб келиш учун самолётини ишлатганини айтиб ўтди.

Футболчи жароҳатланган вақтида машғулотларга қайтадиган бўлса, футболдан бегона одамга ўхшаб қолади. Ўз вақтида Чехия термасининг собиқ футболчиси Томаш Росицки ҳам кўплаб жароҳатлар олганди ва доимий тарзда тиббиёт билан бирга бўлган. Шу боисдан унинг бўш вақти жуда ҳам кўп эди. Унинг яқин учувчи-дўстларидан бири эса Мориц эди. Бир кун Томаш ўз дўстига бутун бир Буюк Британияни самолётда айланиб чиқишни истаётганини айтди. Бауэр эса бунга ижобий жавоб берди ва талаб қондирилди. Ўз навбатида айтиш керак, бундай вақт ўтказиш икки футболчига жуда ҳам маъқул келади.

Архитектура шинавандаси

Бауэрнинг сифатлари жуда ҳам кўп - у шимолдаги давлатларнинг катта мухлиси. Шу боисдан у имконияти бўлса ёки иши юзасидан шимолнинг кўплаб давлатларига боради. Мориц ўзи ёқтирган жойларда расмга тушади. Унга ҳайкалтарошлик ҳам анчагина хуш келади. Сток-Он-Трентга кўчиб ўтганидан кейин у илк навбатда маҳаллий ботаника боғига борди ва музейларни айланди.

"Бизда, Швейцарияда ажойиб таълимот бор. Мен ўзимнинг ҳозирги таълимотим билан мақтанмоқчи эмасман. Француз ва инглизларнинг маданиятидан ҳам яхшигина хабардорман. Менда кўп бўш вақт бўлади ва мен шунда ўзим учун ёққан хоббини танлаб олишга ҳаракат қиламан", - деди Бауэр.

Гольфми ёки мусиқа?

Футболдан ташқарида Бауэр - мусиқачилик ва гольфнинг "кушандаси". Австриялик Қозондалиги вақтида пианино сотиб олган. Бироқ ундан фойдаланишни билмаса-да, буни билиш учун қаттиқ ҳаракат қилган. Ҳатто уйига бу борада устоз ҳам чақирган. Натижада у тез фурсатларда пианиночиликни ҳам ўрганиб олди ва кўплаб куйларни чалишни ўрганди.

Гольф ҳақида эса нималар деса бўлади... У гольф ўйнаш  таклифига ҳеч қачон рад жавобини бермайди ва жони дили билан буни қабул қилади. У ўз вақтини гольф билан ўтказишни хуш кўради.

"Биласизми, менинг уйимда бирорта ҳам чалинадиган асбоблар бўлмаган. Буни биладиган дўстларим ҳам йўқлиги учун учувчиликни яхши кўрардим"

Рори Делапнинг вориси

"Рубин"га келгунга қадар Бауэрга рус ва инглиз жамоаларидан қизиқишлар бўлди. Уни "Спартак", "Вердер" ва "Фулхэм" каби жамоалар ўзига жалб этишга уринди. Ўшанда у Славиша Йокановичнинг "Фулхэм"ига борганида лига ғолибига айланарди.

Бундан ташқари, австриялик футболчи ирландиялик Рори Делапнинг ворисига ўхшайди. У ўйин тезлигини бирданига кўтариб юбора олади. Шунингдек, бош билан ўйнашда ҳам тенгсиз. Жамоага максимал фойда келтира олади. Аут отишда ҳам унга тенг келадигани йўқ. Мориц тўпни шунчаки отмайди. У тўпни 11 метрлик нуқтага шундай ташлайдики, ундан гол урмаслик қийин иш. У бу ишини "Сток"да ҳам бажарди. Бауэрнинг бу ишини кўрган футбол мухлислари эса шунчаки кулиб, ҳайратда қолади.