Пишур – “Локомотив”ни “яхши кўради”
27 авг 2014 16:02
Новости

Пишур – “Локомотив”ни “яхши кўради”

Украиналик Олександр Пишур мана икки мавсумдирки “қалдирғочлар” шарафини ҳимоя қилиб келмоқда.

У ҳозирга қадар “Бунёдкор” сафида 64 учрашувда майдонга тушиб, рақиблари дарвозасига 33та гол урди.

Олександр Пишур энг кўп бор Тошкентнинг “Локомотив” жамоаси дарвозасини ишғол қилган. Тўғри маънода айтганда, у “Локомотив” дарвозасини “яхши кўради”. У шу кунгача “темирйўлчилар”га қарши 6та учрашувда майдонга тушиб, “Локо” дарвозасига шунча тўп киритган.

Пишурнинг статистикаси ҳам кўрсатиб турибдики, у “Локомотив” дарвозасига тўп киритишни жуда хуш кўради. Аксинчи, “Локомотив” футболчилари учун эса Пишур энг ноқулай ҳужумчи бўлиб турибди.

Эртага олий лига 18-турининг марказий учрашувида мамлакат чемпиони “Бунёдкор” локомотивчилар меҳмони бўлади. Ушбу учрашувда ҳам Олександр Пишур “Локомотив” дарвозасини “яхши кўришини” исботлайди, деган умиддамиз.

Олександр Пишурнинг “Локомотив” дарвозасига киритган голлари
Сана	Мусобақа	Учрашув	Гол
11.04.2014	Олий лига, 5-тур	“Бунёдкор” – “Локомотив” 1:1	1
07.03.2014	Суперкубок	“Локомотив” – “Бунёдкор” 1:2	1
21.08.2013	Ўзбекистон кубоги, ярим финал	“Локомотив” – “Бунёдкор” 0:2	2
05.08.2013	Олий лига, 14-тур	“Локомотив” – “Бунёдкор” 1:1	1
31.07.2013	Ўзбекистон кубоги, ярим финал	“Бунёдкор” – “Локомотив” 2:2	-
04.07.2013	Олий лига, 13-тур	“Бунёдкор” – “Локомотив” 1:1	1