Пике: “Дел Боске – футбол тарихидаги энг яхши мураббий”

“Мен Дел Боскени футбол тарихидаги энг яхши мураббий деб ҳисоблайман. У терма жамоада Жаҳон ва Европа чемпионлигига эришган. “Реал Мадрид” устози сифатида 2 марта Чемпионлар лигасида зафар қучган. У клуб ва терма жамоа миқиёсидаги барча эришса бўладиган ютуқларга эришган ва ҳозиргача камтаринлигини намоиш қилмоқда. Дел Боске юлдузлар билан муомала қилишни билади. 2010 йил мундиалида биз Швецарияга имкониятни бой берганимиздан сўнг, мураббий бизни гуруҳдан чиқа олишимизга ишонтирган. Висенте ўз футболчиларини яхши тушунади ва эътибор марказида бўлишни хоҳламайди. У ажойиб мутахассис”, - дейди Пике “АS” билан суҳбатда.