RU

Последние новости

02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  1 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  53 00:02"Атлетико" — "Реал Овьедо". Таркиблар маълум  0 00:01"Тоттенхэм" — "Фулхэм". Таркиблар маълум  0 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  6 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  4 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3

ПФЛ Бергер тизимини бекор қилса, янги тақвимда тарихий омиллар ҳисобга олинадими? Новости

ПФЛ Бергер тизимини бекор қилса, янги тақвимда тарихий омиллар ҳисобга олинадими?

11 август куни "Пахтакор"-79" фожеасига 46 йил тўлди.

Ўзбек футболи тарихидаги муҳим саналарнинг бирида эса "Пахтакор" жамоаси Самарқандга сафар қилди.

Ўзбекистон чемпионатида кўп йиллардан буён тақвим учун Бергер тизими қўлланади.. Бу жамоалар ўртасидаги ўйинларни тақсимлашнинг қулай ва математик жиҳатдан пухта усули, бироқ унинг битта аниқ камчилиги бор - учрашувлар тартиби йилдан-йилга деярли ўзгармай қолади. Айнан шу сабабли деярли ҳар мавсум сўнгида "Пахтакор" - "Бунёдкор" бир-бири билан тўқнаш келади. Бу ҳодиса энг камида 2019 йилдан бери давом этиб келмоқда.

Шу сабабли ПФЛ кейинги мавсумдан бошлаб, Бергер тизимидан воз кечмоқчи. Бу яхшими ёки ёмон? Суперлиганинг 2026 йилги мавсумига мундиал ўтказиладиган йил бўлгани туфайли кўпгина ўзгаришлар билан ўтиши мумкин. Бу ҳақда ташкилотнинг ўзи ҳам расман баёнот берди. Тарихда илк маротаба ЖЧга чиққанимиз туфайли, ПФЛ ҳам терма жамоага имкон қадар яхшироқ шароитлар яратиб беришга ҳаракат қилмоқда. Масалан, уч нафар ва ундан кўпроқ футболчилари терма жамоага чақирилган клублар Лигага ўйинни маълум бир муддатга кўриш истаги билан мурожаат этиши мумкин.



Журналист Нарзулла  Сайдуллаевнинг маълум қилишича, кейинги мавсумда ПФЛ Бергер тизимидан фойдаланмайди. Менимча, бу қувонарли хабар. ПФЛ айнан қандай услубда қуръа ўтказиши ҳозирча номаълум, балки тақвимни тўлиқ ўзи тузиб чиқар, билмадим. Яхши жиҳати шундаки, айрим вазиятларда лига ўзи тўғри деб билган қарорни қабул қилиши мумкин. Масалан, терма жамоага кўп футболчиларни етказиб берадиган клубларнинг ўйини қолдирилиши мумкин. Сўнгги йилларда муамммо бўлаётган стадионлар билан боғлиқ ҳолатдан келиб чиқиб ҳам, тақвимда ўзгариш қилиш мумкин бўлади. Масалан, бир жамоанинг ўй стадиони мавсумга тайёр эмас ва шу сабабли Лига биринчи давра учрашувида стадиони тайёр бўлмаган жамоани сафарга жўнатиб юбориши мумкин ёки мавсум стартида "Пахтакор" каби ОЧЛ мусобақасида иштирок этаётган жамоаларнинг тақвимига ўзгартириш киритиш мумкин бўлади.

Энди асосий масалага ўтсак, мақола аввалида айтиб ўтганимдек, "Пахтакор" 11 август куни сафарда ўйин ўтказди. 11 август - ўзбек футболи тарихидаги қайғули сана. Бу кун нафақат клуб учун, балки бутун мамлакат футбол жамоатчилиги учун ҳам аҳамиятлидир. Мантиқан, "Пахтакор" шу куни ўз майдонида – мухлислари олдида хотира маросимини ўтказса ва жамоа афсоналарини ёд этиш имкониятига эга чиқса, мантиқан тўғри иш бўларди.. "Пахтакор" 2021 йилдан буён 11 августга яқин саналардаги учрашувларини сафарда ўтказиб келмоқда. Менинг назаримда, "Пахтакор" 11 август кунига яқин санадаги учрашувларни ўз уйида ўтказиши керак. Тўғри, ашаддий мухлислар сафар учрашувида ҳам ўз суюклиларини қўллаб-қувватлашади дейишингиз мумкин, аммо ҳар бир мухлис ҳам ўз ишини ташлаб, бошқа вилоятга бир кунлик сафар қилиб кела олмайди. 11 август куни тушлик вақтидан сўнг "Боткино"га бориб келдим, мен қабристонга кирган вақтим "Пахтакор-79"ни хотирлаш учун келган бир нечта ёши улуғ мухлисларни кўрдим. Ёши улуғ мухлислар сафар учрашувига бора олмасликлари аниқ эди. Айнан шу сабабли, кейинги мавсумда Бергер тизимидан воз кечилганидан сўнг, мана шундай қўшимча факторларни ҳисобга олиш керак.


11.08.2025

"Динамо" - "Пахтакор" 1:1


10.08.2024

"Насаф" - "Пахтакор" 1:0


10.08.2023 

"Навбаҳор" - "Пахтакор" 2:1


12.08.2022

"Нефтчи" - "Пахтакор" 0:2


13.08.2021

"Машъал" - "Пахтакор" 0:1

(Баҳс "Локомотив" стадионида ўтказилган)


Бундан ташқари бошқа клублар учун ҳам муҳим саналар бор. Масалан, ҳар йили Наманганда ўтказиладиган гуллар фестивали. Деярли бир ой давом этадиган фестивалда "Навбаҳор" имкон қадар ўз уйида ўйнаса, яхши бўларди. Шунингдек, ҳар йили августнинг биринчи якшанбаси темирйўлчилар куни сифатида нишонланади. "Локомотив" ўйинларининг тақвимини тузаётган чоғи шундай саналар эътиборли бўлган маъқул, менимча.

Масалан, "Мюнхен авиаҳалокати" 6 февраль санасига яқин саналарда "Манчестер Юнайтед" ўз уйида ўйнаб келади. Бу тасодифми ёки ҳисобга олинган жиҳат, билмадим. Нима бўлганда ҳам бу яхши одат.

08.02.2025

Англия Кубоги

"Манчестер Юнайтед" - "Лестер" 2:1


04.02.2024

АПЛ

"Манчестер Юнайтде" - "Вэст Хем" 3:0


04.02.2023

АПЛ

"Манчестер Юнайтед" - "Кристал Пэлас" 2:1


05.02.2022

Англия Кубоги

"Манчестер Юнайтед" - "Мидллсбро" 1:1


1949 йили 4 май куни "Торино" жамоаси билан рўй берган авиаҳалокат ҳам бундан истисно эмас. "Торино" 4 май кунига яқин саналарда бир неча мавсумдан буён ўз уйида ўйнаб келмоқда.


2.05.2025

Серия А

"Торино" - "Венеция" 1:1


3.05.2024

Серия А

"Торино" - "Болонья" 0:0


3.05.2023

Серия А

"Сампдория" - "Торино" 0:1


7.05.2022

Серия А

"Торино" - "Наполи" 0:1


Хулоса

Бергер тизимидан воз кечиш ПФЛ учун кўпгина афзалликларни тақдим этади. Тақвимни қўлда ёки мослашувчан алгоритмлар асосида шакллантириш нафақат клубларнинг халқаро мусобақалардаги иштирокини, балки вилоятлардаги байрам кунлари, иқлим шароитлари, логистика масалалари ва инфратузилма имкониятларини ҳисобга олади.

Тақвимни назорат қилиш орқали ПФЛ кутилмаган ўзгаришларга тезкор реакция билдириши мумкин бўлади. Айниқса, Жаҳон чемпионати йили олдидан бу айни муддао бўлади.


P.S 

ПФЛ раҳбари Диёр Имомхўжаевнинг 2017 йилда "Эрудит газетаси"да чоп этилган мақоласида шундай деганди: 

Бизнинг фожеага бугун 38 йил тўлди. Биз энди “Барселона” ёки қандайдир гранд клубдан таклиф кутадиган ҳолатда эмасмиз. Аммо ўзимиз чиройли бир хотира турниримизни ташкил қилиш имкониятига эгамиз. “Пахтакор”да раҳбарият алмашди. Қандайдир икки ой ичида ўзгаришалр кўрдик, мухлисларда умид пайдо бўлди, “Пахтакор” стадионида катта реконструкция бошланмоқда, хуллас, ҳеч ким бефарқ эмас буларга. Кейинги йилдан бошлаб мана шу раҳбарият “Пахтакор—79” хотира турнирига ҳам ҳурмат билан эътиборда бўлишига ишонгим келади.

Тўғри, ёш болалар, ўсмирлар ўртасида турнирлар ташкил этилади. 5—6 нуроний йиғилиб, “Пахтакор” ҳақида 10—15 ўсмирга хотираларини сўзлаб беради. Ваҳоланки, “Пахтакор”нинг қурби бундан кўпроғига етишига ишонаман. Агар иш тўғри йўлга қўйилса, биз ҳам ўзимизнинг Гампер Кубогимизга эга бўлишимиз мумкин.

Айтайлик, Бразилиянинг “Шапекоэнсе” клуби келаси мавсум Тошкентга таклиф этилиши мумкинми? Шота Арвеладзени ишга солиб, Голландиянинг “Аякс” клубини олиб келиш-чи? 11 август Европа миллий чемпионатларнинг кўпи старт олмаган бўлади. Ишонаманки, “Пахтакор”нинг ҳурмати 35 минглик стадион бемалол тўлади. Европа лигасининг финалида ўйнайдиган клуб ташрифи кўпчиликни бефарқ қолдирмаса керак. Вақти келиб, “Манчестер Юнайтед”, “Ливерпуль” каби оғир дамларни ўтказган жамоалар билан ҳам алоқага чиқиш имкониятимиз бўлар, билмадим. Ҳаммаси ташкилотчиликка боғлиқ.

“Пахтакор—79” фонида биз фақатгина бир жамоанинг эмас, бутун бир мамлакат футболининг қайғули ўтмишини кўрамиз. Уни ёритишда интернет нашрлар, газета ва радио, ТВ фаол бўлади, бунга шубҳа йўқ.


Рейтинг:    

Комментарии

championat.asia
< посмотреть последние новости
Яндекс.Метрика