RU

Последние новости

00:28ОФФА Президенти Ровшан Нажаф ФИФА Президентига миннатдорлик билдирди  0 00:15Конференциялар лигаси. "Кристал Пэлас" тарихий ўйинда ишончли ғалаба қайд этди  0 23:53Европа лигаси. "Бетис"да ғалаба, "Рома" ўз майдонида ютқазди ва бошқа натижалар  0 23:25Муҳим ўйинлар олдидан "Ливерпуль"да жуда жиддий йўқотиш бор  3 23:06Анчелотти Бразилия термасининг сардори ким бўлишини маълум қилди  2 22:43Исроил нега мусобақалардан четлатилмаяпти? Инфантино жавоб берди  14 22:14Игорь Иванович Химич — “Нефтчи” футбол академияси директори  2 21:55Чақир, Мбаппе, Хойлунд - ЕЧЛда ҳафта рамзий термаси маълум қилинди  0 21:31ЎФА Фабио Каннаварога қанча муддатли шартнома таклиф қилган? Тимур Кападзенинг термадаги тақдири нима бўлади?  53 21:13Фабрицио Романо: Ўзбекистон термасини "Олтин тўп" соҳиби бошқаради  65 20:56ЕЧЛда ҳафта футболчиси маълум қилинди  3 20:25Гаиска Мендьета: "Хави МЮда ишлашга ўзини тайёрлаб келмоқда"  3 19:53"Парма" ҳужумчиси Англиянинг учта клуби эътиборига тушди  1 19:30Терма жамоа дарвозабони, Қосимовни ютган мураббий, 21 ёшли футболчи — Суперлигада 23-турнинг энг яхшилари   7 19:13Тўрақулов, Искандеров, Ҳожимирзаев, Сергеев ва бошқалар... Суперлига 23-тур рамзий терма жамоаси  2

Тожикистон термаси бош мураббийи Петр Сегрт: "Мамлакат футболи тарихидаги энг катта ғалабани қўлга киритдик" Новости

Тожикистон термаси бош мураббийи Петр Сегрт: "Мамлакат футболи тарихидаги энг катта ғалабани қўлга киритдик"

Осиё кубоги-2023 "A" гуруҳ 3-тур доирасидаги Тожикистон — Ливан ўйинидан сўнг тожикистонликлар бош мураббийи Петр Сегрт ва учрашувнинг энг яхши ўйинчиси Парвизжон Умарбоевлар матбуот анжуманида қатнашишди.

- Жаноб мураббий, улкан ғалаба билан табриклаймиз. Ўйин ҳақидаги фикрингиз қандай?

- Барча ўйинчиларни табриклайман. Бугун ҳамма ажойиб ҳаракат қилди. Тожикистондаги барча инсонларни табриклайман. Ливанга ҳам яхши ўйин учун раҳмат айтмоқчиман.

- Парвизжон, учрашувнинг энг яхши ўйинчиси сифатида ўйин ҳақида фикр билдирсангиз? 

- Жуда бахтлиман. Жамоамга ёрдам берганимдан жуда мамнунман. Гол ўтказишимизга қарамай, биз тўхтамадик ва ўзимизга керакли нарсага эришдик. Ғалабамизни президентимизга бағишламоқчиман. Эрталаб Президентимиз билан кўришгандик, улар бизга жуда катта мотивация бергандилар. Уларни хурсанд қилиш учун барча ишни қилдик.

- Иккита голингиз бекор қилинди. Ундан кейин эса рақиб гол урди. Шунча қийинчиликдан кейин ўйинга қайтишга қандай куч топдингиз?

- Қийин бўлди. Ўйин давомида барчага ҳали имконият борлигини таъкидладим. Барча шогирдларимга тўлиқ ишонгандим. Тожикистонликлар ҳақиқий жангчи бўлишади. Ўйиндан олдинги тайёргарлик жараёнида ҳам ютқазишга ҳаққимиз йўқлигини барчага таъкидлагандим. 

- Жаноб мураббий, ўйин охирида йўқолган кўзойнагингизни топдингизми?

- Ҳа, ОФК комиссарларига раҳмат. Менга кўзойнакни топиб беришди, аммо синган ҳолда. Кимдир кўзойнагимни таъмирларлаб бермаса бўлмайди. (кулади)

- Мураббийни ғалаба билан табриклайман. Жамоа финалга чиқиши мумкинми?

- Аввал нимчорак финал ҳақида ўйлашимиз керак. Тўғри, орзу қилиш яхши. Лекин бироз реалистик бўлиш керак. Тожикистон мусобақанинг энг кучли 16 жамоасидан бири бўлди. Кейинги босқичда рақибдан қатъий назар бор кучимизни ишга соламиз.

- Парвизжон, Тожикистон ҳисобда ортда борганда ҳам таслим бўлмади. Шундай қийин ҳолатдан чиқиб кетишга нима туртки берди? 

- Ўйин қандай бўлганини ҳамма кўрди. Ҳисобда ортда бораётганимизда ҳам учрашувда ғалаба қозонишимиз мумкинлигини сезиб тургандик. Ростини айтсам, сўнгги уч тўрт кун ичида фақат ғалаба ҳақида ўйладик. Бу хаёл ўйин давомида ҳам бизни тарк этмади.

- Ўйиндан олдинги матбуот анжуманида кейинги ҳафта кўришамиз деб айтгандингиз. Бу нарса амалга ошадиган бўлди. Шу ҳақида гапирсангиз?

- Бу гапни ўзимга ишон билан айтгандим. Мен жамоамдан фахрланаман. Жамоадаги барча бу ғалабага ўз ҳиссасини қўшди. Бугунги ғалабадан мамлакатдаги барча инсонлар, ҳатто мамлакат Президенти ҳам мамнун бўлди. Мамлакат футболи тарихидаги энг катта ғалабани қўлга киритдик.

Рейтинг: +16   

Комментарии

championat.asia
< посмотреть последние новости
Яндекс.Метрика