Пепе Рейна: "Бавария"да барчаси ўзгача"

Аввалги жамоаларимда машғулотлар ёпиқ ҳолда ўтказилар эди. "Бавария"да эса мухлислар учун машғулотлар жараёнини очиқ ўтказилар экан. Бу ерда барчаси ўзгача. "Бавария" - бу бир катта оила демакдир. Менга мухлислар жуда ёқди. Улар "Бавария"ни ўйиндан ташқари пайтларда ҳам керагидан ортиқ қўллаб-қувватлаб туришаркан. "Бавария" бежизга дунёнинг энг яхшилари қаторида эмас. Мюнхенда барча шароитлар идеал даражада. Машғулотлар, мураббийлар штаби, футболчилар даражаси, инфраструктура, стадион ва бошқа ҳар бир кичкина деталларгача. Мени аёлим ва болаларим Мюнхенга кўчиб келишга тараддуд кўришмоқда. Тезроқ немисчада ҳам суҳбатлашишни истайман.Немисчани ўрганишни бошлаб юбордим. Мен учун бу муаммо бўлмайди. Қисқа қилиб айтганда, бу ерга кўникиш ажойиб кечмоқда.