Пеп Тухель билан 2-бор финалда тўқнашади. Олдинги "жанг" ёдингиздами?

Турнирнинг ҳал қилувчи баҳсида инглиз жамоалари тўқнашса-да, майдонда испан ва немис футболининг ўзаро курашига гувоҳ бўламиз. Сабаби шундаки, ҳар икки жамоадаги асосий фигуралар қайсидир юлдуз ўйинчилар эмас, бош мураббийлардир. Ва улар халқаро майдонда ўз мамлакатлари футболининг ҳақиқий тамсилчилари ҳисобланишади (мураббий сифатида).

Пеп Гвардиола Томас Тухель билан бугун 8-марта тўқнаш келади. Қизиқ жиҳати шундаки, иккала мураббий ўртасида бўлиб ўтган Бундеслигадаги "жанг"ларда испаннинг қўли баланд келган бўлса...

Бундеслига, 9-тур. 19.10.2013

"Бавария" 4:1 "Майнц"

Бундеслига, 26-тур. 22.03.2014

"Майнц" 0:2 "Бавария"

Бундеслига, 8-тур. 4.10.2015

"Бавария" 5:1 "Боруссия Д"

Бундеслига, 25-тур. 5.03.2016

"Боруссия Д" 0:0 "Бавария"

... "Туманли Альбион"да несмининг омади чопяпти:

АК, ярим финал. 17.04.2021

"Челси" 1:0 "Манчестер Сити"

АПЛ, 35-тур. 8.05.2021

"Манчестер Сити" 1:2 "Челси".

Шунингдек, мазкур мутахассислар бугунга қадар фақат 1 марта финалда тўқнаш келишган. Германия кубоги 2015-2016 йилги мавсумининг ҳал қилувчи баҳсида Томаснинг "Боруссия"си Пепнинг "Бавария"сини 120 дақиқада енга билмаган ва пенальтилар сериясида имкониятни бой бериб қўйган эди. Ўшанда жамоалар қуйидаги таркибларда майдонга чиқишган.

"Бавария": Мануэль Нойер, Филипп Лам, Жером Боатенг, Давид Алаба, Киммих, Франк Рибери (Кингсли Коман, 108), Артуро Видаль, Дуглас Коста, Тьяго Алкантара, Томас Мюллер, Роберт Левандовски.

"Боруссия": Роман Бюрки, Марсель Шмельцер (Эрик Дурм, 70), Матс Хуммелс (Маттиас Гинтер, 78), Сократис Папастатопулос, Лукаш Пишчек, Генрих Мхитарян, Гонсало Кастро (Шинжи Кагава, 105), Юлиан Вайгль, Свен Бендер, Марко Ройс, Пьер-Эмерик Обамеянг.

Свен Бендер ва Сократис Папастатопулоснинг пенальтилар сериясидаги хатолари "асаларилар" учун қимматга тушганди.

Хуллас, Пеп бугун германиялик ҳамкасби билан 2-бор финалда тўқнашади. Ушбу "жанг"да кимнинг ғалабасини тахмин қиляпсиз?