"Пахтакор" Саудия Арабистони клубларига қарши 20-бор ўйнайди
01 мар 2015 08:30
Новости

"Пахтакор" Саудия Арабистони клубларига қарши 20-бор ўйнайди

Сешанба куни "Пахтакор" Ар-Риёдда Шаҳзода Файсал бин Фаҳд номидаги стадионда "Шабаб" меҳмони бўлади.

"Пахтакор" ҳозиргача Саудия Арабистони жамоалари билан 19 марта тўқнаш келган. 3 учрашувда ғалааб қозонган "шерлар" 3 дуранг ва 13 мағлубиятни қайд этишган. 12 тўп киритилиб, 40 бор рақиблар голларини нишонлашган. Сафарда ушбу мамлакат клубларини енгиш ҳозирча Ўзбекистон жамоаларидан фақат "Пахтакор"га насиб этган. Жамоамиз ўшанда Даммамда "Ал Иттифоқ"ни 2:1 ҳисобида мағлубиятга учратган.

"Пахтакор" "Иттиҳод", "Ҳилол", "Насср", "Аҳли", "Шабаб" ва "Иттифоқ" каби Саудия клубларига қарши майдонга тушган. Сешанба кунги рақиб билан 2010 йилда гуруҳ босқичида икки бор тўқнаш келган жамоамиз 1:3 ва 1:2 ҳисобларида имкониятни бой берган.

"Шабаб" ва "Пахтакор" жамоалари ўртасида Чемпионлар лигаси "В" гуруҳидан ўрин олган 2-тур учрашуви 3 март, сешанба куни соат 22:20да Ар-Риёддаги Шаҳзода Файсал бин Фаҳд номидаги стадионда бошланади.

Ссылка :

Источник : pakhtakor.uz

Получайте новости прямо в Telegram!

Рейтинг: