"Пахтакор" ўсмирлари — ЎФФ Кубоги мусобақаси ғолиби
17 дек 2017 17:37
Новости

"Пахтакор" ўсмирлари — ЎФФ Кубоги мусобақаси ғолиби

2001 йилда туғилган ўсмирлар ўртасида Ўзбекистон Футбол Федерацияси Кубоги мусобақаси ўз якунига етди.

Финалда "Пахтакор" жамоаси "Бунёдкор" жамоасига қарши майдонга тушиб, кичик 1:0 ҳисобида ғалаба қозонди ва мусобақа бош совринини қўлга киритди.

Финал учрашувидан сўнг ғолибларни тақдирлаш маросими бўлиб ўтди. Маросимда Ўзбекистон Футбол Федерациясининг раҳбарлари ва масъул ходимлари йиғилганларга мукофотларни топширишди.

Мусобақанинг "Энг яхши дарвозабони" сифатида "Пахтакор" аъзоси Дилшод Йўлдошев топилди. "Бунёдкор" жамоаси футболчиси Иброҳим Иброҳимов мусобақанинг энг яхши футболчиси бўлди. Турнир тўпурари учун ажратилган соврин "Нефтчи" аъзоси Аслиддин Тоштемировга насиб этди. "Fair play" соврини эса "Машъал" жамоасига топширилди.