"Пахтакор" Бухорода очко йўқотди

Ўйиннинг дастлабки 10 дақиқасида меҳмонлар икки бор бурчак тўпини амалга оширишди. Ҳозирча самарасиз. 11-дақиқада Феруз Бобоқулов симуляция учун огоҳлантирилди.

Андреевнинг жаримадан йўллаган зарбасидан сўнг Корнейчук тўпни қайтаришда хатога йўл қўйди. 19-дақиқада Шерзод Каримовнинг чамаси 30 метрлардан йўллаган зарбасидан сўнг тўп дарвоза тўсинига тегиб қайтди.

23-дақиқада "Бухоро" қарши ҳужум ташкил қилди. Равшан Асланов рақибнинг икки футболчисидан ажойиб тарзда қочиб кетди, бироқ тўп узатишда хатога йўл қўйди.

27-дақиқада Квесиешвили, 31-дақиқада Кримец огоҳлантирилди.

31-дақиқада Искандеровнинг зарбаси Корнейчукнинг оёқлари орасидан ўтди, бироқ тўп посбоннинг бахтига дарвоза ёнидан ўтиб кетди.

37-дақиқада Андреев дарвозабон билан бирга бир вазиятга чиқиб кетди ва зарба берди. Ҳимоячи халал берди ва тўп ноаниқ кетди. Даврон Ҳошимов ва Жамолиддин Убайдуллаев тўқнашиб кетишди, иккала футболчига шифокорлар ёрдам кўрсатишди.

Биринчи бўлим якунланди.

Иккинчи бўлим бошланди. 47-дақиқада Мерзляковнинг кучли зарбасидан сўнг тўпни Корнейчук қийинчилик билан бўлса ҳам қайтаришга эришди.

Ўйин анча тенглашиб қолди. 63-дақиқада Квесишевили сал қолса ўз дарвозасини ишғол қилиб қўйиши мумкин эди.

66-дақиқада Феруз Бобоқулов Александр Лобановга нисбатан қўпол ўйнади.

70-дақиқда Камолиддин Тожиев хавфли вазият содир этди. Корнейчук ўзини кўрсатди.

72-дақиқада иккала жамоа сафида ўзгариш содир бўлди. Мезбонлар сафида Бахриддин Ваҳобов, меҳмонлар таркибида Анвар Солиев майдонга тушди.

Учрашувга 4 дақиқа қўшилди. 90+3-дақиқада Миладинович Ваҳобовни йиқитгани учун огоҳлантирилди. 25 метрлардан жарима тўпини майдон эгалари амалга оширишади. Ваҳобовнинг зарбаси ноаниқ кетди. Ўйинда ҳисоб очилмади.


«Бухоро» (Бухоро) – «Пахтакор» (Тошкент) 0:0
Ҳакамлар: А. Асимов (Тошкент), М. Саидқосимов (Тошкент), Р. Шояҳметов (Тошкент), И. Иброҳимов (Нукус)
Назоратчи: И. Мустафин (Тошкент).

"Бухоро": Александр Корнейчук, Шавкат Раимқулов, Виталий Пламадела, Предраг Вуйович, Фирдавс Асадов (Илья Ильин, 77), Феруз Бобоқулов, Равшан Асланов, Жамолиддин Убайдуллаев (Бахриддин Ваҳобов, 72), Нодир Жўраев, Ойбек Нурбоев.
Захира: Фаррух Турдиалиев, Азиз Ғуломхўжаев, Сухроб Неъматов, Элёр Акбаров, Акопянц,

"Пахтакор": Александр Лобанов, Егор Кримец, Боян Миладинович, Кахи Махарадзе, Шерзод Каримов (Анвар Солиев, 72), Жамшид Искандеров (Жалолиддин Машарипов, 90+1), Игорь Сергеев, Камолиддин Тожиев, Александр Мерзляков, Даврон Ҳошимов, Станислав Андреев (Владимир Козак, 64)
Захира: Никита Рибкин, Акбар Исматуллаев, Мурод Холмуҳаммедов, Жамшид Болтабоев,

Огоҳлантиришлар: Феруз Бобоқулов 10, Егор Кримец 26, Георгий Квесиешвили 27, Камолиддин Тожиев 67, Нодир Жўраев 68, Боян Миладинович 90+3.

№	Жамоа	Ў	Ю	Д	М	УГ - ЎГ	Т-Н	О
1	Пахтакор	8	6	2	0	10 - 4	6	20
2	Локомотив	7	4	3	0	13 - 5	8	15
3	Бунёдкор	7	4	3	0	12 - 4	8	15
4	Насаф	7	4	2	1	9 - 4	5	14
5	Олмалиқ	7	3	3	1	9 - 6	3	12
6	Бухоро	8	3	2	3	5 - 9	-4	11
7	Металлург	8	3	1	4	11 - 11	0	10
8	Навбаҳор	7	3	1	3	8 - 9	-1	10
9	Динамо	7	3	0	4	9 - 10	-1	9
10	Қизилқум	7	2	2	3	4 - 4	0	8
11	Машъал	7	1	4	2	2 - 4	-2	7
12	Андижон	7	1	1	5	4 - 10	-6	4
13	Нефтчи	7	0	3	4	4 - 8	-4	3
14	Сўғдиёна	8	0	1	7	10 - 22	-12	1