"Пахтакор-79" бош мураббийи Бобур Маҳкамов: "Биринчи лига клуби билан Суперлига жамоасига қарши ўйнаш осон кечмаган"

Ўйин ҳақида

- Аввало барча футбол ишқибозларига ўз миннатдорчилигимизни билдирамиз. Узоқ масофадан келиб қўллаб-қувватлаган ангренлик мухлисларга ҳам раҳмат. Биринчи лига клуби билан Суперлига жамоасига қарши ўйнаш осон кечмаган. Йигитлар ўзларини ёмон кўрсатмади. Лекин тактик, техник жиҳатдан Суперлига футболчилари кўриниб турди. Иккинчи голни ўтказиб юбормаганимизда балки ўйиннинг шиддати тушиб кетмас эди. Ўзимизнинг хатоларимиз эвазига голлар олиб келдик. 

- Бугун легионерлар майдонга тушмаганига изоҳ бера оласизми?

- Улар билан яқинда шартнома имзоладик. Ҳали машғулотларда уларни тўлиқ кўриб олганимиз йўқ. Чемпионат ўйинларида уларни ўйнатиш ниятимиз бор. 

- "Пахтакор-79" ўз олдига юқори мақсад қўйган клуб ҳисобланади. Умуман клуб ҳақида маълумот бера оласизми, ким томонидан молиялаштиради?

- Клуб президенти Келвин Лого. Ўзбекистонга футболчи сифатида келган. Ҳозирда "Пахтакор-79" президенти. Клуб хусусий. Ангрен мутасаддилари ҳам ёрдам бериб, қўллаб-қувватлаб туришибди. 

- Ангрендан кўплаб мухлислар ташриф буюришди. Улар ҳақида фикрингиз?

- Очиғи хайрон қолдим мухлислар жуда фидойи. Уларга яна бир бор миннатдорчилик билдирмоқчиман. Жуда аҳил, ижобий баҳо берган бўлардим.