Патрис Эвра футболчилик фаолиятини якунлади
29 июл 2019 14:57
Новости

Патрис Эвра футболчилик фаолиятини якунлади

"Манчестер Юнайтед" ва Франция терма жамоаси собиқ ҳимоячиси фаолиятини якунлаганлиги ҳақида эълон қилди.

- Фаолиятимни расман якунладим. Менда аллақачон B тоифали мураббийлик лицензияси бор. Ҳозир эса фаолиятимни якунлашни ва А лицензиясини олишни хоҳлайман. Агар ҳаммаси яхши ўтса, бирон-бир жамоани бошқараман.

38 ёшли собиқ футболчи ПСЖ тарбияланувчиси ҳисобланади. У фаолияти давомида "Марсала", "Монца", "Ницца", "Монако", МЮ, "Ювентус", "Марсель" ва "Вест Хэм" клубларида ўйнаган.

Эвра шунингдек 2004-2016 йиллар мобайнида Франция терма жамоаси шарафини ҳимоя қилган.