RU

Последние новости

14:42Симеоне Серлотнинг "Атлетико"дан кетиши мумкинлиги ҳақида гапирди  0 14:25Суперлига. 30-тур ўйинларининг таркиблари маълум  2 13:32Вальвердеда яна бир АПЛ даъвогари пайдо бўлди  2 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  4 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  2 10:34ЎзПФЛ "йил футболчиси" учун номзодларни 5 тагача қисқартирди  15 10:10Месси жаҳон рекордини янгилади  34 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  8 09:18Сўнгги турларда Алиқуловни захирага "михлаб" қўйган мураббий истеъфога чиқди  1 09:15Виталий Левченко: "Танқид ва босимларни енгиб чемпион бўлдим"  10 08:52Нури Шаҳин: "Биз Аббосни жуда узоқ кутдик"  6 08:24"Башакшехир" устози Элдор Шомуродов ҳақида фикр билдирди  5 08:05МЛС. "Интер Майами" рақибини йирик ҳисобда мағлуб этди ва финалга йўл олди  6

ЎзПФЛ Суперлига майдонларини ўрганиб чиқди. Тез орада 2024 йилги мавсум учун қабул қилинган ва талабга жавоб бермаган стадионлар номи эълон қилинади Новости

ЎзПФЛ Суперлига майдонларини ўрганиб чиқди. Тез орада 2024 йилги мавсум учун қабул қилинган ва талабга жавоб бермаган стадионлар номи эълон қилинади

Суперлига майдонлари Лига томонидан тўлиқ текшириб чиқилди.

23 декабрга қадар Суперлиганинг янги мавсуми учрашувларини қабул қилиши мумкин бўлган стадионлар майдони тўлиқ ўрганиб чиқилиши айтилганди. Лига мазкур ишни ниҳоялади.



Эндиликда аввалдан маълум қилинган талаб бўйича ҳар бир стадион майдони ҳақида батафсил маълумот мавжуд. Шу асосда Лига футбол клублари билан йил давомида ишлашда давом этади. Тез орада қайси стадионлар 2024 йилги мавсум учун қабул қилингани ва қай бири талабга жавоб бермаслиги юзасидан маълумот тақдим этилади.  

Лига мутахассисларининг стадионларга ташрифи мураккаб жараён бўлиб, бунда ҳар бир майдон эгаси майса ёки дренаж тизими яхши ишлаётгани юзасидан аргумент келтиришга ҳаракат қилади. Шуни инобатга олган ҳолда Лига мутахассислари замонавий асбоб-ускуналар билан майдонларда бўлди ва ҳар қандай маълумот майдон эгаси бўлган томон учун батафсил тушунтириб берилди. Жумладан, Лига мутахассислари майдон термометри, электрон динамометр, инфилтрация аппарати ва шу каби бошқа замонавий техникалар ёрдамида ўз хулосаларини баёнлаштирди.  



Текширув ишлари ёрдамида майсанинг бутун майдон бўйлаб қопланганлиги даражаси, жами майса рангининг фарқланганлиги кўрсаткичи, майса илдизининг чуқурлилик даражаси, унда ёввойи майсалар, касалланган ёки зарарланган майсалар мавжудлиги, ҳашаротлар ва зараркунандалар бор ёки йўқлигига ҳам аҳамият берилди. Даставвал ташқаридаги ҳарорат ҳамда майса илдизи жой олган чуқурликда ҳарорат солиштирилди. Электрон динамометр калити ёрдамида тупроқ мустаҳкамлиги, футболчининг бутсаси майдонга қанчалик чуқур ботиши ва қай тариқа сирпаниши ўрганилди. Шунингдек, инфилтрация аппарати ёрдамида майдонда сувнинг ютилиб кетиш даражаси ўлчанди ҳамда дренаж тизими фаолиятига баҳо берилди.



Ишчи-гуруҳ эътибор қаратган яна бир муҳим жиҳат — клуб ёки стадионнинг майдон парвариши бўйича махсус техникага эга эканлиги бўлди. Талаб бўйича махсус трактор, эрни юмшатадиган аэратор аппарати, майса ўрадиган аппарат, майдонга ёзиладиган тўр гиламча, текисловчи ва таровчи аппарат ва дори сепадиган арава аппарати ҳар бир стадионда бўлиши шарт. Бу каби аппаратларни Ўзбекистонга олиб кириш масаласида президент қарорларида қатор энгилликлар тақдим этилган бўлса-да, айрим футбол клублари смета бўйича маблағларни бирламчи заруриятларга эмас, асосан ойлик-маошларга сарф этаётгани Лигага маълум. Мазкур ҳолат Ассоциация ҳамда Лига томонидан танқидий руҳда кўтарилаётган бўлиб, 2024 йилги мавсум сметалари ўрганилаётган вақтда футбол клубларига қўйиладиган талаблар янада жиддийлашади.

Рейтинг: +6   

Комментарии

championat.asia
< посмотреть последние новости
Яндекс.Метрика