Ўзбекистонда илк маротаба халқаро киберфутбол турнири бўлиб ўтади

"Халқлар дўстлиги Кубоги - МДҲ 2016" (Кубок Дружбы Народов - СНГ 2016) деб ном олган ушбу турнир 8-10 апрель кунлари Тошкент шаҳрида ўтказилади. Мусобақа "Playstation 4" платформасида ўтказилади ва унда Ўзбекистон, Украина ва Россиянинг энг яхши ўйинчилари иштирок этади. Уларнинг орасида - Максим Плахов ("Tiko"), Евгений Мостовик ("Yozhyk"), Абдусапи Қаюмов ("Abdusapi_Legend") ва Роберт Фахретдинов ("Ufenok") иштирок этади.

Эслатиб ўтамиз, турнирда жами 32 нафар ўйинчи қатнашади.

Шу билан бирга турнирда онлайн-трансляция бўлади ва уни кўпчиликка машҳур бўлган Дмитрий Городков ("Dimchen") шарҳлаб боради. Ўйинларни ушбу канал орқали кузатиб боришингиз мумкин: https://www.twitch.tv/dimchen

Қуръа ташлаш маросими 8 апрель куни бўлиб ўтади.