Ўзбекистон ёшлар терма жамоаси 5-маротаба ЖЧга чиқди
11 мар 2023 22:11
Новости

Ўзбекистон ёшлар терма жамоаси 5-маротаба ЖЧга чиқди

Теги : Ўзбекистон ёшлар терма жамоаси ёшлар ўртасидаги жаҳон чемпионати

Бугун, 11 март куни Ўзбекистон ёшлар терма жамоаси Осиё Кубоги чорак финалида Австралияга қарши баҳс ўтказди.

Учрашувнинг асосий вақтида 1:1 ҳисоби қайд этилди. Экстра таймларда гол урилмади, пенальтилар сериясида Ўзбекистон ёшлар терма жамоасининг қўли баланд келди ва улар май ойида Индонезияда ўтказиладиган ёшлар ўртасидаги жаҳон чемпионати йўлланмасини қўлга киритишди.

Бу мундиал Ўзбекистон ёшлар терма жамоасининг 5 жаҳон чемпионати бўлади. Бунгача ўзбекистонлик ёшлар 2003, 2009, 2013 ва 2015 йиллардаги U20 жаҳон чемпионатларида иштирок этишган. 2013 ва 2015 йилларда Ўзбекистон U20 терма жамоаси гуруҳдан чиқиб, чорак финалда мусобақани тарк этишган.

Айни дамда Индонезияда ўтадиган мундиалда иштирок этувчи 22та жамоа номи маълум бўлди:

Индонезия, Англия, Франция, Исроил, Италия, Словакия, Доминикан Республикаси, Гватемала, Гондурас, АҚШ, Фижи, Янги Зеландия, Бразилия, Колумбия, Эквадор, Уругвай, Гамбия, Нигерия, Тунис, Ироқ, Ўзбекистон.

Ссылка :

Источник : championat.asia

Получайте новости прямо в Telegram!

Рейтинг: +35