Ўзбекистон U-23нинг рақиби аниқланадиган ўйинда Фарҳод Абдуллаев ишлайди
19 янв 2018 17:18
Новости

Ўзбекистон U-23нинг рақиби аниқланадиган ўйинда Фарҳод Абдуллаев ишлайди

Эртага 20 январь куни Хитойда бўлиб ўтаётган Осиё чемпионати чорак финалидан ўрин олган учрашувда Жанубий Корея терма жамоаси Малайзияга қарши майдонга тушади.

Айнан мана шу ўйин ғолиби 23 январь куни Равшан Ҳайдаров бошчилигидаги Ўзбекистон Олимпия терма жамоасига қарши баҳс олиб боради.

Жанубий Корея - Малайзия учрашувида ҳамюртимиз ФИФА инструктори Фарҳод Абдуллаев ҳакамлар назоратчиси бўлади.

Фарҳод Абдуллаев бунгача Осиё чемпионатининг Хитой - Уммон, Хитой - Қатар ва Япония - КХДР терма жамоалари ўртасидаги ўйинда ҳакамлар назоратчиси сифатида иш олиб борганди.