Ўзбекистон U-19 саралаш турнирини йирик ҳисобдаги ғалаба билан бошлади
03 окт 2015 07:59
Новости

Ўзбекистон U-19 саралаш турнирини йирик ҳисобдаги ғалаба билан бошлади

Ўзбекистон U-19 терма жамоаси U-19 ёшлар ўртасидаги Осиё чемпионати саралаш турнири илк учрашувида Бутан ёшлар терма жамоасини йирик – 7:0 ҳисобида мағлуб этди.

Бангладеш пойтахти Дака шаҳрида давом этаётган саралаш турнирида бугун 1-тур учрашувлари бўлиб ўтди. Жасур Абдураимов бош мураббийлигидаги Ўзбекистон ёшлар терма жамоаси гуруҳнинг илк учрашувида Бутан ёшларига қарши майдонга тушди. Учрашувда катта устунликка эришган Ўзбекистон ёшлари якунда йирик – 7:0 ҳисобида ғалаба қозонишди.

Ўйиннинг биринчи бўлимида иккита гол киритган Жасур Абдураимов жамоаси иккинчи бўлимда Бутан ёшлари дарвозасига жавобсиз бешта гол киритишди.

Гуруҳнинг иккинчи ўйинида Бангладеш ёшлар терма жамоаси Шри-Ланкани 2:0 ҳисобида мағлуб этди.

U-19 ёшлар ўртасидаги ОЧ саралаш.

“A” гуруҳи, 1-тур.

Ўзбекистон U19 - Бутан U19 - 7:0
Голлар: Ҳусниддин Ғофуров (43), Шароф Муҳиддинов (45), Санжар Қодирқулов 54, Бобур Абдухолиқов (72, 80), Саиджамол Давлатжонов (88), Нурилло Тўхтасинов (90+3).
Ўзбекистон U19: 1.Умиджон Ҳамроев, 2.Исломжон Қобилов, 3.Ҳусниддин Ғофуров, 4.Ҳушнудбек Авилов, 6.Азизжон Ғаниев, 7.Нурилло Тўхтасинов, 8.Шароф Муҳиддинов, 9.Санжар Қодирқулов (Бобур Абдуҳолиқов, 64), 10.Достон Ибрагимов (Саиджамол Давлатжонов, 46), 14.Ҳожиакбар Алижонов, 16.Бегзод Ғанижонов (Суҳроб Нуруллоев, 43).

Ссылка :

Источник : the-uff.com

Получайте новости прямо в Telegram!

Рейтинг: +6