Ўзбекистон U-16 терма жамоаси назорат учрашувида "Спартак 2003" жамоасини мағлубиятга учратди
18 фев 2019 11:45
Новости

Ўзбекистон U-16 терма жамоаси назорат учрашувида "Спартак 2003" жамоасини мағлубиятга учратди

Ўзбекистон U-16 терма жамоаси пойтахтимиздаги "Чиғатой" спорт мажмуасида ўқув-машғулот йиғини олиб бораётгани ҳақида аввал хабар бериб ўтгандик.

Терма жамоа бош мураббийи Азамат Абдураимов йиғин давомида терма жамоага номзод футболчиларни синовдан ўтказмоқда. Шунингдек, терма жамоа аъзолари "Чиғатой", "Пахтакор 2004" жамоаларига қарши назорат ўйинлари ўтказиб, уларда ғалаба қозонишди.

Кеча Ўзбекистон U-16 "Спартак 2003" жамоасига қарши назорат ўйини ўтказди. Ўйин 2:0 ҳисобида Азамат Абдураимов шогирдлари ғалабаси билан якунланди.

Пойтахтимизда давом этаётган йиғин 18 февраль куни якунига етади.